اختلافات لفظية

مسا الخير

بدناش نحكي بالسياسة لانه قرفتها..لاحقيتنا وين مكان..بالتلفزيونات ..بالنت..على الفيس بوك..بالبلوجز..اففففففتتتت

فا نمرودة جاي تسنمبل وراها بوست اطرم ملوش دخل باشي
بتعلق بالاختلافات اللفظية بيني وبين المحروس -زوجي-
:سمايل فاغر فاه:
خخخخ

يوم من الايام كنت طابخ فاصوليا..فا بسألني شو طابخة اليوم
بقلو فاصلويا
بقلي شووووو..مالك قلبتي سبعاوية
-على راسي كل السبعاوية ومشتقات البني حسن-
اسمها فاصوليي

قلتله نعم يا بعدي..الفاصوليا تلفظ بالالف وليس بالياء
فا مع احتدام النقاش توصلنا لوجود اكمن كلمة طرمة برضو عليهم نقاش

انا بحكي باميا..هو بحكي باميي ..ينعن انا خخخخ
انا بحكي كُفتة...هو بحكي كَفتة بفتح الكاف ..مش ضايلك غير توخدني كف وانتي بتحكيها خخخخخخ
انا بحكي حلاوِة...هو بحكي حلاوَة
انا بحكي غاد (هناك) ..هو بحكي غاد (بتفخيم الغين والدال فا بتطلع كأنه بحكي غاض) خخخخ
انا بحكي بكرج..هو بحكي غلاية أو دولة وغير معترف بكلمة بكرج بأي قاموس للغات
انا بحكي كيلون..هو بحكي كولون (ما يرتديه الشخص -عُدي- تحت البنطلون لمزيد من الدفء)
انا بحكي مكتة..هو بحكي متكة (منفضة السجائر)
انا بحكي اسكملة او طربيزة..هو بحكي طاولة خخخخ
انا بحكي تبروير (وعاء حفظ الطعام) هو بحكي أطرميز خخخخخخخخ

في كمان اكمن كلمة طرمة تانية ناسيهم بس تحشيش

بس
الى لقاء مع طرم جديد