عيد الام

مسا الخير مرة تانية
السنة هاي تم تصنيف المودام نمرودة ضمن خانة الامهات الجدد
لذا سيتم الاحتفاء بها كغيرها من الامهات الي بتعفرش عليهم الا بهاليوم
ما علينا

لا جد
زمان ما كنت اهتم انه شو يعني عيد ام
كنت ازور الماما وحماتي وناخد معنا اشي زاكي او هدية..يعني من باب صلة الارحام
عاد بكون بنفس اليوم او قبل بيوم عندهم..بس هيك يوم 21 اله تقاليد مختلفة

هسع انا ام
فا انا مبسوط ليه
لانه صار في مناسبة جديدة يضطر فيها زوجي العزيز ان يحضرلي فيها هدية تضاف لقائمة الايام الي فيها مناسبات -خوازيق- خخخخخ
يوم ذكرى تعارفنا
ذكرى الانيفرسري -العرس- تبعنا
يوم كتب الكتاب
يوم الخطبة
عيد ميلادي
ذكرى اول مشوار..ذكرى ول قزازة سفن شربناها سوا خخخخ
عيد الشجرة خخخخ
اتسترا

نمرود يحب الهدايا

لا احلى اشي بقلي..مش غدي ابنك..هو الي لازم يجيبلك مش انا
خخخخ
انا مني وعلي مسكت عدي وقعدته على الطاول وقلتله يا ماما بدي كريمات من ناتشرل لوكس..وبدي لبسة..وبدي نطلع مشوار نفيع...سامع يا ماما..والكلام الك يا كنة واسمعي يا فتحية

وع

على الهامش: امي مسافرة وبتيجي يوم 21 بس بوقت متأخر فا يمكن ما اشوفها زي كل سنة
:(
على الهامش التاني: ما بدي احتفل بعيد الام...ما بدي اكبر
:(