سولافة طرمة

صباحو

خليني اسولفكو هالسولافة الطرمة صارت معي الجمعة وحشحشت ضحك عليها
هاد يا سادة يا كرام..احيانا لما يكون الواحد بصلي..وكان حواليه حد تاني (ولد زغير مثلا) بلش يخرب او بدو يؤذي حاله..فا تلقائيا الواحد بصير يقول الله اكبر بصوت عالي مشان يلفت نظر الي حواليه انه في شي غلط عم بصير دون ما يقطع صلاته

هو اوكي الخشوع بطير من البني آدم..بس شغلة التكبير بصوت عالي بتلفت النظر انه الي بصلي ماله اشي وانه في اشي غلط وبدو تصليح

بس مرات هالشغلة بتكون مستفزة..انه بصير يكبر وانت مش فاهم شو بدو
-طب اصبر تا تخلص واحكي شو بدك-

هلا فهمتو المبدأ..نيجي للقصة
هاد الجمعة - ككل جمعة- بنروح نتغدى عند بيت حماي..هيد التقليد
وانا باخد معي اشي زاكي..كيكة..كعكة نسكافية..هريسة..اي شي بعملو تحلاية وباخدو معي

فا بعد الغدا عملنا شاي وأذن العصر..وبلشو العالم صلاة..حماتي بتصلي بالصالون..واحنا بغرفة القعدة وعادي بنحكي وبنبرم
بلشت تكبر
انا قمت بسرعة..فكرت عدي فات بالعرباي عندها او انه بدو يكب عليه اشي او هيك
طلع فش اشي..وعدي مش عندها..فا رجعت قعدت

رجعت كبرت...برضو فكرت انه عدي هجم على الشاي او كب الكاسات او ..او...او...بس فش اشي
!!

كمان مرة رجعت كبرت
قمت مرة تانية ادور على الغاز في اشي..في ابريق صفار بزمر وانا مش سامع مثلا..في خبزة على الصوبة عم تنحرق وانا مش شامم مثلا؟
فش اشي ينعن هه
رجعت قعدت

رجعت كبرت
انا حكيت اي هي مطولة هالشغلة..بدي اضربها طناش والي بدو يصير يصير

خلصت صلاة ..فا انا بقلها تقبل الله..مالك خالتو بدك اشي
بتقلي منا الي ساعة بكبرلك
قلتلها خير شو في
بتقلي: مشان تحطي الكيك مع الشاي
أنا: ا