ماذا لو

مرررررررررررحدن
وع
في بحياة الانسان كتير من القرارات التي اتخذها وغيرت مجريات حياته
سواء هالقرارات سيئة او جيدة..لكن ماذا لو لم يتخذها..هل لو رجع الزمان فيه رح يغير من قراره سلبا او ايجابا

انا مني وعلي في اكمن قرار ندمان اني اتخذتهم ..وفي اكمن قرار ندمان اني ما اتخذتهم بوقت قبل
وفي اكمن قرار لهلأ (بندنغ) مش عارف شو اعمل بالنسبة الهم

يعني مثلا من ضمن هالاكم شغلة وقرار بحياتي..حبيت استشير نفسي ..انه ماذا لو رجع فيي الزمن هل ممكن يتغير شي
يعني مثلا ماذا لو اني كملت الماجستير وانا كنت قاطع سنة ونص وتركت وهو ضايلي مادة ورسالة..مش كان هلا بكون شهادة اعلى..وممكن اتوظف عليها براتب اعلى..او اكون مدرس بجامعة (مع انه التدريس بكافة اشكاله مش ببالي ولا بنزلي من زور) يعني ممكن اكون اكاديميا ووظيفيا اعلى مستوى ..لكن خلص المكتوب بدو يصير وراحت الشغلة علي
وسميت بدن اهلي وخصوصا ابوي..يعني لو برجع فيني الزمن بكمل بس لاجل اهلي مش لأجلي انا او لأجل لشهادة بحد ذاتها

هاد واحد
اتنين
ماذا لو اني ما كان عندي ولد هلا
طبعا بعيد الشر عن قلبو حبيبي عدي..ما ببدلو بفلوس الدنيا كلها لكن لاني حملت بعد الزواج
وكان عندي اكمن حلم وطموح اعملهم قبل لارتبط بولد ومسؤوليات وهيك
يعني كان نفسي -وما زالت بنفسي- اطلع على الامارات مرة تانية ابو شهر زمن
هلا صعب..جدا صعب

كان نفسي اطلع طلعات وشمات هوا انا وصاحباتي وقريباتي واتهنى فيهم زي ما بدي واتاخر قد ما بدي
لكن هلا لا..كلو محسوب علي..الوقت..ألجهد..الفلوس..كلو
مو القصة انه "عدي" مقيدني..لا لا..بس انا عندي خوف زائد عن اللزوم لدرجة الزناخة على هالولد بمنعني اعرضه لأي مخلوقات وكائنات حية دقيقة وغير دقيقة..فا بفضل القعدة بالبيت معه نلعب سوا على اني اطلع على كوفي شوب واعرضه للدخان والاراجيل وهيك

ماذا لو اني شريت بتحويشة عمري سيارة (او على الاقل دفعة من سعر سيارة) مش كان هلا احسنلي من الشنططة بالتكاسي والروحة والجية مع فلان وعلان..اوكي بتحملش جمايل منهم بس بضل غير الواحد معه سيارة
وبرضو تحويشة العمر ما راحت عا شي فاضي..يعني تغيرت قناة صرف النقود من سيارة إلى اغراض للبيت والي ولمتفرقات هون وهناك

شو كمان
في كمان بس صرت عجوق بالشغل
برجعلكم
وع