مسا الخير
قبل يومين بجريدة الغد لفتت نظري الصورة اعلاه لجلالة الملكة رانيا يوم افتتاح الدورة الاولى لمجلس النواب السادس عشر
طبعا الكل بشهد على اناقة الملكة ورقيها وزوقها الحلو باللبس
انا الي لفت نظري اكتر
الشنتة
يا حزركم شو فيها
:)
يعني مبينة كبيرة...اوكي يمكن منفوخة وما فيها شي..بس برضو مثلا مثلا انا تخيلت شو ممكن تكون حاملة معها بالشنتة هاي
موبايل؟؟ جزدان وفلوس؟؟ فاين؟ ميك اب؟
انا مني وعلي فتحت شنتني لاشوف شو فيها لقيت ما يلي
-والهرج ليس على سبيل المقارنة- هع
جزدان فيه الهوية وبطاقات التأمين وبطاقات الصراف الآلي ومصاري واشياء زكرى من سنة الف وتسعمية وخشبة ودينار مكتوب عليه ابصر شو..وذكرى وخرابيش من طلعات عا كوفي شوبات..اتسترا
جزدان تاني اصغر فيه الفراطة..المصاري الورق بالجزدان اعلاه لانه اكبر..هاد زعير بس للفراطة
كريم ايدين (لو اموت بطلعش من الدار بدونو)
بمبرزة وخرخيشة لعدي..احتياط خخخخخ
الكاميرا والسلك تبعها
الفلاش ميموري
نموذج طبي...صحيح هاد شو بسوي هون...ييييييييي مليح اتزكرت عندي موعد خخخخ
مفاتيح..مفاتيح البيت والمكتب وباب العمارة وصندوق الجريدة..ومفاتيح بيت اهلي بعدهم معي خخخخخخ
فاين..وتلات ارباعهم مستمعلات..مش عارف ليه بخليهم بالشنتة
علكة..ملبس..وورق علكة وملبس مفتوحات
بودي سبريه او عطر
حبة شوكولاته كادبوري مشان إن أذّن فجأة خخخخخخ
ميك اب زي العنجد
وشوية خرابيط تانية
يا ترى ممكن يكون اشي ولو بالغلط من الاشياء اعلاه يكون بالغلط برضو بشنتنة ملكتنا
ما هقيت
:)
8 comments:
إنتي كاتبه كل هالبوست عشان تحكيلنا إنو معك فلوس كاش وتأمين صحي وفيزا كارد وفراطه كمان
يا حلاوة
She looks stunning!<3
doory
-my books(contemporary thinking+specific theme)not sure the translation from Spanish is correct! 0_O
-wallet=(money,ID's,important cards,my schedule,el 5ottah el deraseiieh,kroot mobile mosta3mleen lol,and doctor appointments)
-little bag=(small box of Vaseline which I can't live without,tissues,2lm ko7leh which is my only make up,gum,a small mirror,Higeen)
-mobile
-an incredible amount of pens and markers..all shapes and colors 0_O
-headsets,also can't live without them
- a shawl..just in case..
:)
اكيد في بالشنته اغراضات ستاتيه من مكياج وعلكه ونظارات شمسيه كمان وخلافه
الا الفراطه :) ما ممكن
نورية
اااه ومعي كمان شوكولاته جالاكسي جكر خخخخخخخ
قطورة
لوووول عليكي
على حساب ما بتستعملي الفاين..ومالهم الكمام خخخخخ
وعلى الهامش..انا اكره الفازلين لانه عبارة عن لبوطة
كيف تستعمليه ما بتدبقي..او بالاحرى ما بتلبطي
كل شي حتمسيكه حيلزق فيكي خخخخخخ
نيسانة
هلا والله زمان عنك صديقتي
انا بقول ما في كاش من اساسو...كله على الفيزا
:)
يا باااااااااااااااي على الملاحظات النسائية بس :)
شكلو معك فلوس كثير هالأيام - ممكن قرظ ميسّر "جدا ً" :]]]
heheeeeeee
منين يا حسرة يا هيثم
هينا ب 5 الشهر وطار تلات ارباع الراتب
:sad:
LOOOL el m7arem lama ybattel fi wasa3 3al kmam :shy:
ino el Vaseline kter mnee7 wak it's like magic!y3ny ana eday saireen yenzefo min ad ma homeh nashfeen w had '3er shfaify..netfet Vaseline wella howe mitl ma kano w a7la...bat7ammamesh feiio y3ny LOOOL
الشيء الوحيد المتوقع يكون بالشنطة هو المحارم .. يعني ممكن مرشحة؟ ومش حلوة قدام الناس تقعد تعمل مثلنا ( بأكمامها ) فالإحتياط واجب :) .. الاحتمال الثاني والغير أكيد .. ساندويشات من نوع خاص لأنها ممكن ما بتوكل من اي مطعم او ما بتحب اكل الناس .. والله أعلم ..
Post a Comment