Happy New Year

31/12/2007

It has been a great year,
but an even better one is ahead,
bcoz the new year can be anything
we want it to be.
So as we bid farewell 2 the old year
& welcome in the new,
let's dare to dream
of all we can accomplish
with a little hard work and dedication


Let's pray for peace in the world
& try our best to love each other
a little more
and judge each other a little less.
Let's make a resolution to be
more forgiving and less angry.
Let's focus on our goals
and try 2 be the best we can be.
And let's never lose faith in
what we can accomplish.

Happy New Year!
May the New Year
bring u much happiness and success.

إليك وهذا توقيعي

حرر بتاريخ 8/9/2007

إلى الرجل القادم من خلف أسوار الرمان العربي

والطالع من أجمل صباحات باريس الرقيق

هذا يا سيدي خطاب تاريخي جدا وحقيقي جدا ومذهل جدا، ليس لأني أنا المرسلة، بل لأنك المرسل إليه هذا أولا، أما ثانيا فلأنك مدهش وحقيقي وساطع كالقمر المنير وسط السماء، وأن التاريخ يا عزيزي ليأخذ مادته الأساسية من الفنانين وأعمال روائع الرجال أمثالك

وإذا كنت في ريب مما أقول فلتعلم أن العالم كله يعرف شكسبير مثلا بينما لا أحد على وجه التقريب يذكر اسم وزير الخزنه في عصر شكسبير ، وهكذا..لو كان لدينا دليل "من هو" في الشرق الأوسط لجاء اسمك قبل اسم أروع الرجال بعشرات الصفحات.

......

هذا يا سيدي زمن الأغبياء، زمن من هم في طريقهم إلى الغباء، كم كنت أتمنى لو أني التقيتك في عصر نجيب الريحاني وسيد درويش، لا في عصر موسيقى الجينز والسراويل الممزقة، ولا في عصر تكون فيه "بل بالأحرى" صارت فيه هيفا أكثر شعبية من السيد المسيح.

!!!!

كنت أتمنى لو التقيتك في عصر تكون فيه السلطة للبجع والعصافير، في عصر تكون فيه الحرية موشومة على أجنحة العصافير،

أكتب إليك رجلا شجاعا يحلم بالتغيير، لا دمية ألعب بها وأتسلى أو آنية بطرف الجدار ستمر عليها السنين

....

هذا أنا يا سيدي، وهذه نظرتي إليك ، وأرجو من أعماق قلبي أن تكون صادقا معي ومع نفسك

وأن تتجاوز كل ذلك الجانب المؤلم الي يعيش في زاوية من زوايا شخصيتك، فأنت رجل أقوى مما تتخيل وأروع من أن تتكرر

مواصلات

حرر بتاريخ 30/9/2006

بدي اقولكم على هالقصة الهبلة اللي صارت معي

هادا كان يا مكان في قريب الزمان ... عندي مشوار .. ولازم اركب مواصلات من مجمع رغدان... والله وكيلكم نزلت بباص المؤسسة وساعتين تا وصل وكان فوق راسي زلمة.. وتحت اباطي اجرين بنت ..وجنب كوعي شوارب ولد .. ما علينا
المهم وصلت يا حفيظ السلامة
ايه ولكو ليه هيك رغدان صار حلو ومرتب وكله مضوي وفاااااااااااااااااااااااااااااااااااااااااضي
انا قلت شكلهم الناس بطلوا يستعملوا المواصلات العامة الا انا .. وزي ما قال سرحان عبد البصير المواصلات فاضييييييييييية
دور لطش على باصات ... فشششششش
دور لطش على بني ادمين ... برضه فششششششششش

بعدين اكتشفت اني نازلة برغدان القديم مش الجديد اللي عند المحطة

ما علينا ..
مش هون النهفة... النهفة اني صحيت من الحلم على اصبع ابن اختي الصغير بحفر بمنخاري الله وكيلكم كأنه درل

مغامراتي في حجازي

حرر بتاريخ 7/10/2006

سلام مربع يا جدعان
انا من كتر قهري حبيت اشارككم اللي بصير معي بيومياتي بحجازي

يا سادة يا كرام اول ما بقطع الشارع قدام بيتنا (شارع مكة) بأشر للتكاسي (طبعا لما اكون مزنقلة لانه فش بعد السرافيس هع هع هع ) المهم ... قبل ما يوقف التكسي بأشر بيده فوق يعني طالع على الدوار الخامس وانا بأشرله تحت يعني نازله عاشارات الشميساني ثم العبدلي ... طبعا منى عيني اركب بالتكسي وما ينزلني بس اعرف وين رايحة
يا اخي بطل الشميساني ينداس
طب شو دخلني انا شو اعمل ازا الدنيا ازمة

ما علينا

بس نوصل على حجازي ... تقول الناس اللي قاعدة جوا بتستنى حدا ييجي من الباب وما بتصدق بتضلها تراقب فيه من فوق لتحت .. طبعا انا ياما تشردقت او تعثرت بس دخلت ... والله كان الناس مو لاقية لا شغلة ولا عملة وبتكش ذبان وبستنى اي حدا يفوت مشان يراقبوه

طبعا في تلات شبابيك لقطع التذاكر : واحد لاربد وواحد للامانات وواحد للامارات والسعودية
تبع الامانات انسوه وبنصحكم ما حدا يبعت اماناته مع حجازي لاني شفت بأم عيني كيف السواق بفتح المغلفات باسنانه وبشوف اللي جوا (يوميتها كانت تحاليل واوراق فحوصات بول هع هع هع لواحد براجع بمستشى الملك عبدالله) وبس يشوف شو فيها برجع الكبسات باسنانه وكان شيئا لم يكن

وصلنا لقطع التذكرة من البومة اللي على الشباك تبع اربد
طبعا بتطلع على الواحد من فوق لتحت.. ان كنت بنت حلوة اضمن انك قعدت اول كرسي هادا ازا مش بحضن الشوفير
وان كنت شب .. بعينك الله بتقعد على الموتور او على اللوج اخر الباص

المهم قطعنا التذكرة على خير والا رقمي 7 يعني تالت كرسي ... قول منيح ماشي الحال
قعدت استنى وقعدت على الكراسي ابو 10 دقايق . كان الكرسي محفور عليه (عذابي ) وجنبي تبعت النسكافيه اللي ما بتشتغل وعاملينها منظر وحولها الذبان معبي الدنيا
والتلفزيون مشغل على قناة عمان كان برنامج حوارات الست نجوى حلقة معادة ومغبشة
ما علينا

وانا بطريقي للباص بسالني عمو شيخ كبييييييييييييير الباص طالع يا بنيتي بقوله أأأه
وبعد دعاويه بالستر بمشي معه دادي دادي وبوصله للباص ( شوفو انا منيحة ) المشكلة هلا بدأت انه هالشيخ ما معه تذكرة وهات اقنعه انه لازم ينزل ويقطع تذكرة .. قلتله يا عمو انا بجيبلك .. ما كزب خبر وجبتله وحده طلع اخر الدنيا بس قعدته مكاني (طبعا دعاوي الستر والحفظ من اولاد الحرام خزقت داني)انا قلت مش حرجع من اربد والا ملاقي العريس بستناني عباب الدار هع هع
المهم بعد 100 حيلة وفتيلة وبس بلش يمشي الباص والا العمو بسال الشوفير مش الباص على عجلون
انا اغمى علي من الضحك
هات اقنع العمو عاد انه ينزل
قولو معلش تاخر الباص ابو ربع ساعة بس بتهون مشان العمو

طولت عليكم القصة صح
ول علي شو بحب العي على الفاضي والمليان

بتحبو في اجزاء اخرى والقضية تطول بس تعبت وانا بطبع
بس خلاص
ما تكرهوني طيب

الوداع

حرر بتاريخ 23/12/2007

الوداع

تلك الكلمة التي لم اتوقع أن اعيشها يوما

تلك اللحظة التي خفت منها طوال حياتي

الوداع

يكفي أن نلفظ هذه الكلمة لنعرف معناها

لا ولم نستطيع الشرح والكلام

لا ولم نستطيع السرد أو الاسهاب

فقط الوداع

يكفي لكلمة الوداع أن تحطم أملا

وتحرق قلبا

وتمزق أحشاءا

يكفي لها أن تدمع عينا لم ترى الدمع أبدا

يكفي لكلمة الوداع أن تلين صخرا أصما وتكسبه حنانا

....ويا لها من كلمة

ويختار لنا القدر في هذه المرة

ويختار مع كل ما يختار

تحطيم قلبين بدآ يحاولان التفاهم والحب

وتدنو ساعة الوداع

تبدو كليل أسود في وضح نهار مشرق

لحظة الوداع

لحظة فراق

لحظة حزن

ويا لها من لحظة

.........

دنت الآن اغنية الوداع

واقتربت معها دقات ساعة النهاية

ويا لها من نهاية

.........

أفراح آل نمرودة

حرر بتاريخ 18/1/2007

اما تقرير اليوم فهو عن وقوع نمرودة في الحب مع احد المصورين بالكادر والتقدم للخطبة وباقي السواليف الطرمة

العريس ما غيره المصور النشمي اللي كان بتقرير تلج تلج تلج اللي عمل حاله سانتا كلوز بالبرد : انا اعجبت فيه من هالموقف اللي عمله وقررت اطور علاقتي معه واوخدها لمستوى تاني

بادئ ذي بدء كان الحب بيينا من اول رمشة لانه محسوبتكم زي رزان مغربي برمش سبعين مرة بالخمس ثواني فالمصور المسخم وقع بالحب وقرر انه يبني اسرة معي : لانه محسوبتكم متعهدة تعمير بيوت وعندي شقق للاسكان للبيع : الكم مصلحة

قام المصور اتصل مع ابوي واخد رقم تلفوني منه واتصل فيي على اساس يقلي انه هيو جاي مع اهله يطلبوني

والله وقمت ونظفت الخشة السبع نجوم اللي انا نازلة فيها وقررت احط مكياج زي البنات لاول مرة بحياتي

والله وجبت هادا شو اسمه قلم التحديد وحددت مكان القعدة للناس اللي بدهم ييجو وحطيت فلشر على خدودي وصرت زي معزوزة بهالاصفر واخضر اللي فوق عيوني والله وصرت قمر 14 وما حدا قدي
ولبست اللي على الحبل : كان في اكمن خرقة شرييتهم من البالة مخصوص لهيك مناسبة


رن جرس الباب: فزيت زي الملطوشة : وفتحت الباب ودخلو هالناس:

1 2 3 4 ايه والله تقولو دخل 1000 زلمة ومرة وولد صغير : انا قلت هاي مش جاهة هاي صالة العرس صارت عنا بالدار : هي كل عشيرته اجت بتلات باصات جت يعني آلهم ضلو الغنمات وراهم لانه ما ضل الهم وسع


والله وقعدنا هالناس جنب بعض ودخلت انا ومعي القهوة وشريطة حمرا لامسح العرق والخجل اللي بنقط مني وبلشت اصب قهوة بيدي اليمين لانه ايدي الشمال فكحة طب يا ربي من وين ابدا من وين ابدا: قلت رح ابدا باليمين يالله على السنة

بس كان قاعد ولد هسه جاي من الشارع بس لابس اواعي العيد ومسبل شعراته وماسك بكيت شيبس رينغو وبربوره نازل اضطريت اعطيه يشرب فنجان هالقهوة بلاش بكرا يعزر علي
بكرا بلزمني ابعت حدا يشتريلي بطاطا والا علبة تونة : يعني بنفعني لبعدين هالقاروط
والله ومسكه بيديه المقلعطات واخذ نفس مرتب ودخل منخاره كله بالفنجان وصارت القهوة بالكاراميل.. اشي فاخر يعني

طب يا ربي فش غير هالفنجان : كملت صب الفنجان التاني: بس بطلت اكمل اللفة على اليمين و رحت مباشرة عند حماة المستقبل بنفس الفنجان

هع هع هع

وهكذا حتى انتهو كل المعازيم

قال وقعدت متل المؤدبات وكان المصور لابس بدلة مستأجرها من عند ابو سمير اللحام : نفس البدلة اللي راح فيها على مؤتمر حماية حقوق الذباب
وتبادلنا النظرات من تحت لتحت


فجأة سمعنا صوت صراخ وعياط وتكسير زجاج : قمنا فزينا على حيلنا : اتاري الولد ابو بربور مش راضي يطعمي ابن عم اخوي من الشيبس الرينغو اللي معه قام شده من شعره وكبّله الشبسات على الارض وكب النملية فوقه

انا والعريس اجينا وحدنا نلملم الامور ونهدي الوضع : وقلفعنا الاولاد الصغار من المطبخ وضلينا وحدنا

تيراراراراااااا

اطمنو : ما اوسع ذمتكو ما صار اشي لانه يا دوب لحق يمسك ايدي الحرير اللي زي جلد التمساح طّبت علينا حماة المستقبل قال بدها تشرب مي : في بلغم محشر بزورها من ورا فنجان القهوة اللي اعطيتها اياه

خخخخخ

المهم: بعد قراية الفاتحة والاتفاق على المهر وغيره وغيراته
ننتقل الى يوم العرس : الزفة ما احلاها : كان العريس هو اللي عم يصور بالناس مع انه اخوانه الاثنين مكلبشين بيديه من الجهتين وماشيين تحت الشمسية اللي عليها بالونات وشبر ازرق خوف الحسد


طبعا محسوبتكم راحت على الصالون ولبست فستان عرس مكشكش واكتافه منفوخات نفخ وعليه برق وخرز وشبر تقول عروس وحطيت 3 كيلو مكياج صيني


طبعا فاردة السيارات انطلقت من الساعة 10 الصبح مع انه العرس الساعة 11 بالليل بس لانه الصالة بالكرك فقلنا مع الازمة عا طريق المطار المطلوب الواحد يوخد احتياطه

وصلنا الصالة وبدأت الزفة والدقة والزمامير والهيصة : انا بطلت اجمع من الازعاج
طبعا ام العريس كانت تلف على المعازيم وتقول : صحجن صحجن والا جايات توكلن كاتو وترّوحن

ورقصة السلو كانت يا حبيبي على انغام اغنية محلى حمام الدار محلى زغاليها : مع الدخان ومحارم الفاين وفقاعات الصابون: اتعرقلت بالفستان وسلك الكاميرا اللي نازل من جيبته لعريسي المصور كان وقعت
ووقت تقطيع الكيكة البلاستك مع القطعة اللي قد حبة السمسم اللي عشوكة وحدة ومطلوب نوكلها سوا : الكل صارت عيونه عشرة على عشرة الله وكيلكم

وانصمدت على اللوج زي الحلوات القمورات وبلش القواريط الصغار يتصفصفو جنبي على اللوج شووووووووو بدي افتحها حضانة على اللوج : الحق على جوز خالت ابن عمه اللي منشغل بشرب العصير بدل ما يبعد العفاريت عني

اما النقوط كانت كالتالي: اجت جدة جدة جدة جدة العريس وصمدت حالها على كرسي جنبي وصارت تتناول مني وتوخد نظرة خاطفة :انا اعرف من ردة فعلها انه المبلغ كويس والا لأ :ان لوت بوزها معناتو صحلي 10 ليرات وان انشكحت اساريها معناتو عشرين ليرة لكن للاسف مرت فترة ضلت فيها مكشرة ولاوية بوزها اتاريها صابتها جلطة مفاجئة وانضرب العصب السابع اللي بغذي وجهها قلت يا حبيبي كملت: ناديت على ابو بربور قلتله ادفشها لورا: وقعت وما حدا سمى عليها


بصراحة في تفاصيل كتيرة : ما بدي احطها بتقرير لحالها لهيك رح اختصر عليكو وعلي :
خلص العرس
والان روحنا على الدار
طبعا هسه صارت انتو عيونكو عشرة على عشرة وبينكم وبين السكرين تلات سنتمتر لتعرفو شو صار::: يمـــــــا ما انجسكو هع هع هع

اطمنو ما صارش اشي: انا غسلت جراباتي ونمت والمصور طلع يركب الستالايت

عاد تاني يوم صحيت لقيت ورقة الطلاق بجنب الكوميدينة
:Confused:
اتاري المصور انحرقو كل الافلام معه وانحرق راسه على عملته السودا وفش غله فيي

!!!!!

كانت معكم نمرودة المقرودة: مكتب سميح المحامي لشؤون الزواج : موسكووووووووووووو
ودمتم سالمين

ثلج ..ثلج..ثلج

حرر بتاريخ 28/12/2007


اما تقرير اليوم فهو عبارة عن نقل صورة بث حي ومباشرة عن الثلج ورد فعل الناس على هالخير الابيض اللي اجانا على غفلة

والله وشدينا الرحال انا والكادر الى منطقة بعيدة ينهمر فيها الثلج بغزارة : لقينا اكمن باص على اكمن سيارة مغرزين بالتلج والرجال نازلين دفش بهالسيارات على امل انها تتحرك: والنساوين التموا على بعض وبلشو يشتغلو بالصوف

والاطفال كانو عم بلعبو بالتلج متل الشطورين : وكان ولد منهم مغمى عليه من البرد: بس باقي الاولاد مش سائلين عنه مفكرينه نايم

قررت انا والكادر نسليهم حتى تفرج عليهم لانه حرام كانو محاصرين : لا لا قصدي تقطعت بهم السبل

فاقنعت واحد من المصورين انه يعمل سانتا كلوز : مع انه انحف واحد فينا بس لاجل المصداقية : حتى يقتنعو الاخوان انه هالسانتا عربي مش زي الغرب

طبعا المصور كان بدوش: قال فكوني من هالشغلة (عاد هو منى عينه يصير سانتا: قال بتعزز يعني )والله وأقنعناه يفرح عن هالناس حتى تيجي المساعدات : والله وشلح اواعيه ولفيناه بشريطة حمرا كانت مربوطة على عينين خرفان كانو بسرحو بالمنطقة : ولميناله اكمن عودة من على الارض وحطينا عليهم شوية تلج (قال هادا مصاص ) ومشينا

ما كزبنا خبر: وبلشنا نلعب بالتلج: ومحسوبتكم نمرودة صارت تعمل كعابيل كعابيل بهالتلجات بس محشيين حجارة : لزوم المراجدة على المزبوط: والله وفشختلي اكمن ولد كانو ملاعين : وفشخت الولد المغمى عليه بلكي يصحى


طبعا كل الكادر كان ملفلف حاله من هالبرد من راسه لساسه الا هالمصور المسكين الملفوف بهالخرقة وبترجانا نروّح
طبعا روحنا بعد 7 ساعات تا اجى الدفاع المدني


ملاحظات : اللي بحب يعرف شو صار بالمصور بلاقيه مخشب وواقف متل الاحفورة ومعلقة برقبته (بلدية الباعج ترحب بكم) هو هو هووو

الولد المغمى عليه : ما زال مغمى عليه على التلج : بس قبل لروحنا غطيته بالشريطة الحمرا ما غيرها

الخروف السارح : انشالله بتوصلكم حصتكم منه على العيد

كانت معكم نمرودة المقرودة : بلدية الباعج : موسكووووووووووووووووووو

ودمتم سالمين

__________________

موعد غرامي

حرر بتاريخ 21/12/2007

اما تقرير اليوم هو عبارة مشهد كتير بنشوفه وهو اللقاء الاول لما شب يتعرف على بنت

الشب لما يكون عنده لقاء اول مع بنت بصحى بدري الساعة اربعة . بيروح عند الحلاق ابو العز وبنعم رقبته وبحلق وبعدين بطلع عند صاحبه المعروف انه وضعه المادي جيد. بفوت على غرفته طبعا صاحبه بكون لسه صاحي من النوم وشعره منكوش ولابس شباح وشورت لكن بصحى عشان يجهز صاحبه للموعد الاول

بيفتح له الخزانة عشان ينقي منها لبسة مرتبة .. بروح الشب منقي قميص فايع وبنطلون جينز ازرق مكوي على الليبرة وجاكيت بدله فايع. ولانه نمرة رجل صاحبه اصغر من نمرة رجله بيضطر الصاحب يجيب للشب كندرة اخوه الكبير البوز رفيع: بس بحكيله : دير بالك عليها لا تفضحنيش معاه واوعك تغبرها

بعدين الشب بفوت على الحمام وبيغسل شعره وبيحط واكس عليه حتى يخليه مخشب وواقف.. وبيلبس الاواعي الفايعين وصاحبه طبعا بيسرق له من عطر ابوه الشانيل عشان يرش منه رشتين . وبعدين بتداين من صاحبه 20 دينار لزوم الطلعة وبيطلع: طبعا وهو نازل الدرج من بيت صاحبه , صاحبه بيوصي فيه وصايا اللقاء الاول : بدي اياك اسد من اولها


بيطلع الشب وبيمر على صاحبه التاني وبستلف منه سيارة كيا سيفيا نمرة بيضة : على اساس انها سيارته وبيمر على دكانة ابو عصام وبستعمل المغسلة وبشتري لاول مرة بحياته علكة ستيميرول وبكيت دخان مالبورو احمر ,, وبمر على صاحبه اشرف لينك بشحد منه تلفون همر بدل تلفونه 3310 لمدة ساعتين

بياخد البنت على الموعد : بكون الكوفي شوب بالرابية : طبعا اول مرة بفوته وبدخل بسلم عل الجرسون مباوسة على اساس انه زبون دائم في المحل قدام البنت اللي بتكون ماشية جنبه ومش مصدقة انها تعرفت على شاب جنتل وزووء متله


وبعد القاء الاول بيرجع كل شي زي ما كان ..

وفي اللقاء التاني : بيطلع معها على منتزه عام او الحدائق وبشتريلها بعشر قروش ترمس وبقعدوا تحت شجرة وبحكيلها انه باع السيارة والخلوي وانه اواعيه مبهدلين لانه هسه مرّوح من الشغل وانه ابوه بالمستشفى واضطر يدفع كل المصاري اللي معه لأبوه المريض


وبياخد منها خمسة وتلاتين قرش عشان يرّوح على الدار لانه مصاريه وقعت منه بالسرفيس

وكملو القصة من عندكم

بحر ..بحر..بحر

حرر بتاريخ 14/12/2007

اما تقرير اليوم فهو عن زيارتي انا والكادر لبحر من هالبحار الموجودة بالاردن .. قلت حرام خلي هالشباب ينبسطوا .. يالله شو وراي انا دافعة اشي من جيبتي كله على ميزانية الدولة مع انها ما حاسبتني لسه على تسرمحنا بالبتراء المش بترا

ما علينا ما علينا

دخلنا على هالبحر .. يا اخوان ماله شط (شاطئ) اول مرة بشوف بحر ماله شط .. ولا نقطة رمل وحدة .. وانا معشم حالي بالرملات والطينات حتى الط على خدودي لاصير حلوة ونقية البشرة لكن عبث ولا حتى حجر صغير افشخ فيه الكادر ..ابدا

انا سمعت كتير عن اللي مش عاجبه اشي بروح ببلط البحر..فعلا هالناس ما كزبت خبر.. يا اخوان .. البحر مبلط .. ايييييه .. شو السولافة .. مبلط وسيراميك فاخر كمان ..انا قلت معناتو هسه صار اللي مش عاجبه اشي يروح يمسح البلاط اللي بلطوه الناس اللي مش عاجبهم شي من قبلهم (قد ما عنا ناس مش عاجبهم شي بهالدنيا )ما علينا ما علينا

فجاة واحنا مبسوطين .. هجم علينا سمك شلن (هادا اكبر من سمك القرش) واحنا مرعوبين بنحاول نهرب منه لكن عبث ..انا صرت اتشاهد عا روحي وارواح الكادر معي لانه خطيتهم برقبتي ..انا جبتهم على البحر .. وانا عزمتهم على احلى كازوزة من محل لقيته بالطريق (شايفين ما احسني ) والله كويسة انا

صحيح كان معنا عدة غطس واكمن بطة صفرة بتزمر لزوم البحر .. واحد من الكادر غطس بالبحر .. وطلع بسرعة بقلنا لقى حلقة معدنية كبيرة تحت البحر.. ( شوفو السسبنس) احنا فكرناها اشي اثري او تاريخي قلنا بنبيعه وبنطلع رزقتنا .. قلناله جيبها واطلع

والله وماكزب خبر ... جاب الحلقة المعدنية وفجأة صار اعصار كبير بالمي وصارت تنحسر وتنحسر وتقل وتقل وانا واقفين ..طبعا انا خف حناني من الاخر


لاخذ العلم فقط : البحر الكبير طلع بانيو عملاق بمنتزه غمدان
اسماك القرش: كانت الصور على البرداية تبعت البانيو
الحلقة المعدنية : طلعت تبعت بالوعة البانيو(المصرف يعني)ه

سبب كل هالسولافة الطرمة : الكازوزة من المحل المشبوه لانها طلعت مش كازوزة طلعت اللي بالي بالكم



ودمتم طيبين

لا تكرهوني طيب

دن ديريري دن ديريري

صدام حسين على القمر

حرر بتاريخ 4/1/2007

اما تقرير اليوم فهو عن اشاعة تناقلها الجميع بالاردن وخارج الاردن وحبيت انقلها للي ما سمع فيها

هادا يا مرحومين الوالدين: اجاني تلفون على غفلة امبارح: قال روحي يا نمرودة واتفرجي على القمر انا بقلت بحالي شكلها مزحة ليقولولي اني انا بشبهه

ما علينا ما علينا

المهم تكملة الاشاعة بتقول انه والخبر واصل من السعودية (بحطتش بذمتي ) انه اذا بتتفرجو على القمر كويس قال بتشوفو صورة صدام حسين
!!!!!!!!!!!!!!!!!!!!!!!!!
انا اول ما سمعت الخبر خف عقلي: متت من الرعبة : بس قلت بيني وبين حالي مع احترامي الكبير لشخصية صدام حسين والدليل موجود بتوقيعي

لحدن يعايدني ترى خاطري شين...خلوني بحالي ونفسي بزعلها

في عيد الاضحى بالبهايم مضحين... وبوش يضحي للعروبه فحلها

راح الزعيم اللي يهز السلاطين...وين المعزه عقب روحة بطلها

لاتحبسين الدمعه اليوم ياعين...خلي على خدي مواقع وبلها

دمعة رغد تحرق قلوب الملايين...نهار عيد المسلمين ذرفتها

تبكي على صدام شيخ السلاطين... وتبكي سعادتها بعد ما فارقتها

ما لومها تبكي فراق المحبين...اللي صواديف الدهر صادفتها

انا بعد ما صابها هلت العين...قلبي يعزيها وعيني بكتها

انه وللللللل: شو باقي هو نبي استغفر الله حتى تطلع صورته على القمر

!!!!!!!!!!!!!!!!!!!!


انا ما كزبت خبر: رحت حتى اتأكد : طبعا دور لطش على القمر كان مش مبين مع انه الليلة كانت نص الشهر الهجري والقمر بدر ومرندح ترندح
(هالمصطلح تطلقه العجائز على العروس الجميلة اللي خدودها ناصحات وحلوات متل القمر : فا مردنحات ترندح)


ما علينا ما علينا

انا بالاول ما شفت القمر: لاني كنت قاعدة شغالة على شاشة الكبيوتر 8347593875394 ساعة فكنت شايف القمر قمرين

صرت اغنيله : على بابي واقف قمرين : واحد طلع شحاد والتاني بشتري قزايز العطر الفاضية


المهم نرجع للسولافة: المهم والله ولفلفت حالي وكمكمت حالي من البرد وطلعت اشوفه :وتأملت بهالقمر:بالاول ما شفت شي بس بعدين زي ما تقولو والله ولمحت متل صدام حسين بالقمر كأنه لابس عسكري وعقال: خف عقلي على المزبوط ساعتها

ونشرت الخبر بسرعة بين الناس: اتاري الناس عارفه قبلي


انا بيني وبينكم لغاية الان مش قادر احلل هالظاهرة غير انه العقل الباطني بحكي للبني آدم انه يصدق اللي عم يسمعه: يعني الصراحة الصراحة لو واحد قالي انه شوفي القمر حتلاقي صورة حمار بعيد عنكم: اي غير اقله معك حق وشفت ذيله وآذانه كمان


خلاصة الموضوع : اتقوا الله في عقول الناس وخلي الزلمة مرتاح بقبره


ودمتم سالمين


بالله اللي سمع عن هالسولافة يشاركني برأيه او يقلي شو شاف

المناهج الجديدة

حرر بتاريخ 27/1/2007

ملاحظة : تقرير اليوم يصنف تحت بند الزهق بشدة وتحت بند شر البلية ما يبكي وتحت بند تقرير فاشل


تقرير اليوم هو عبارة عن نظرة عن قرب على المناهج الجديدة لعام 2018 ونتمنى النجاح في كل صباح للطلاب والطالبات وخصوصا التوجيهي اللي رح ينحتو الكتب نحت وهم عم يدرسوها

نبدأ بمادة التاريخ : ماشالله عليها هالمادة رح تكون عبارة عن 5 مجلدات ورق كبير يعني الله يعين الطلاب على هالمادة لانها رح تكون مليانة بلاوي للدراسة : طبعا تم حذف الوحدات المتعلقة بالحرب العالمية الاولى والتانية والانشغال بالحرب العالمية الثالثة والرابعة اللي على وشك الحدوث

تحتوي المواضيع التالية:
حرب لبنان بالتفصيل (المعارضة والحكومة) وحرب الشوارع الاهلية (: الله يجيرنا
حرب العراق بالتفصيل (مواعيد الانسحاب الامريكي الغير معلنة وتصفية واعدام اكمن واحد مش مرغوب فيهم : برضه الله يجيرنا
حرب فلسطين بالتفصيل المفصل ( من وعد بلفور للجدار الفاصل للنزاع بين فتح وحماس على امل الوصول لحل سلمي تعيش فيه الدولتان الحماسية والفتحية جنبا الى جنب مع اللي ما تتسمى اليهودية: الله يجيرنا


ننتقل لمادة الفن : كانت قديما عبارة عن حصة واحدة بالاسبوع ولكن مع المناهج الجديدة رح تكون 5 مرات بالاسبوع لمواكبة الفنون : حيث يكون هناك مطرب وفنان لكل طالب بيجي معه على الحصة وبعلمه فنون الرقص والدبكة والتعري والخلع على الشاشة الصغيرة


اما مادة الرياضيات : بحكم انه اغلب الطلاب بكرهوها للمادة فقرر المسؤولين عن المناهج الغاؤها من المنهاج الجديد والاكتفاء بس بالمعدلات المرتبطة بالزمن


مادة الانكليزي: المنهاج الجديد رح يحتوي بنسبة 200 % على موضوع السابلة ورح تيجي بامتحان التوجيهي بشكل سنوي بالاضافة للقواعد الجديدة مثل
i whose / we is / happy birthday to our .... etc


مادة الثقافة الوطنية : رح تلغى لانه بححححححححح فش اوطان : صرنا كلنا وطن واحد وثقافتنا وحدة وحياتنا وحدة ووحدتنا اولا والشعب اولا والمحروقات اولا : واي شي أولا لانه مع شعار لا حساب بعد اليوم فش رقم اتنين الا بعقد الزواج


مادة الرياضة : رح تلغى من المنهاج ايضا لانها هالحصة تتحول دائما الى حصة كيمياء او فيزياء للتعويض

مادة العربي: اممممممم : لا ادري هل ستبقى هذه المادة ام تنقرض كسابقاتها حيث اصبحت مطعمة بالانجليزي او الانجليزي المعرب



بس خلاص : انا زهقت من الموضوع لهيك بليز اقراو وانسوا وانتظروا التقرير الي بعده لانه هالتقرير فشة خلق من اللي عم يصير لا اكتر ولا اقل

لا تكرهوني طيب

اكرهو اللي عم يصير


ودمتم سالمين

C.S.I Jordan

حرر بتاريخ 2/7/2007

اما تقرير اليوم فهو عن جريمة قتل وملابسات القضية في المحاكم على امل معرفة الجاني
المشهد كالتالي: وجود المقتول (اللي هو المصور ) على ارض غرفة خشبية في الطابق الرابع من عمارة الصايغ بالعبدلي وبجانبه أفلام تصوير ونيجاتيف محروق


بعد ما اجت الشرطة والبحث الجنائي والسي آي آيه : تم أخذ عينات لاجل فحصها بالمختبر
كانت العينات تؤخد بنكاشات الاذنين : تم مسح رأس المصور مكان الدم النازل ثم تم رش مادة عليها لمعرفة ان كانت دم او لأ

(مهي بالعقل نازلة من مخة يعني شو بدها تكون سحلب)

المهم
اخدت العينة الى المختبر للتحليل وقام المحلل (كالعادة) بسحب مادة بإبرة ثم وضعها على العينة بنفس الابرة ووضعها في طنجرة الضغط لمعرفة تكوين المادة : طلعت بالآخر مكونة من سليليدات البوتاسيوم وحمض الهيدروليكيوم وفسفات المنغنيز الكبريتية

هاي الاسم العلمي للمادة اما اسمها الحقيقي فهو قطعة قماش حمراء اللون

ايوة بلشنا نخبص

ننتقل الآن للمتهمين : ابو سمير اللحام : حيث كان اله ثار مع المصور لأنه رجعله بدلة العرس مش مكوية زي ما كانت
المشتبه فيه التاني كان : ابو عبده : متعهد صالات أفراح :كان له مصاري على المصور (دافع) حلو الكلام
المشتبه فيه الثالث : طليقته : نمرودة لأنه ما اخدها على شهر العسل الموعود فيه : وخصوصا أن آخر يوم التقت فيه كانت ترتدي ملابس حمراء

المشتبه الرابع : أمه : لانه تجوز غصبا عنها من نمرودة
المشتبه الخامس: خلص خلصوا : يعني نجيب واحد من الشارع!!!؟؟؟؟


طبعا بعد التحريات واخذ العينات من أفواه (خدود) المشتبهين وعمل اللازم تبين أن لا احد من السابقين له علاقة بالجريمة لأنه كل واحدة عنده حجة غياب : وتم تقييد القضية ضد مجهول وانتقل المصور المرحوم اللي انشق صدره لأجل التشريح إلى مقبرة سحاب وتقبل التعازي من تاريخه ولمدة اسبوعين ونص



ملاحظة: فاكرين أبو بربور أكيد رح تستبعدوه من القضية لأنه ولد صغير وتنحصر اهتماماته بأكل شيبس الرينغو والتمخيط
لكن هاي هي عادة السي إس آي بطلع المتهم واحد ملوش دخل بكل شي صار


القاتل إذن هو الولد أبو بربور
دافعه: عدم حصوله على صورته (اللي معمولة بالفوتو شوب محاطا بالجميلات أمثال هيفا ونانسي واليسا) الموعود بها من قبل المصور فلاقى الأخير حتفه جراء الحنث بوعده

والشريطة الحمرا : اخدها مني لأجل يتهمني ويحط الحق علي (عاد لما اخدها انا فكرته بده يصنع فيها ماجد لعبة خشبية) ما علينا


وسلامتكو والمشمش

كانت معكم نمرودة المقرودة : بريئة يا بيه : موسكووووو

نمرودة والذئب

حرر بتاريخ 17/2/2007


كان يا مكان في قديم الزمان : بنت حلوة صغيرة وامورة اسمها نمرودة بعتتها امها تودي الكعكات لستها
بس مش أي كعك : يعني مش كعك بعجوة ولا بسمسم : كعك من مخبز السفراء اللي بنغط بالشاي :يم يم


كانت نمرودة تمشي بالطريق فشافها الذئب : قالها وين رايحة يا نمرودة
قالتله : رايحة اودي الكعكات لستي


فكر الذئب شوي وطلعت لمبة مضوية فوق راسه دلالة على وجود فكرة ألمعية وقال : طب انت روحي من هاي الطريق وانا بروح من هاي الطريق


على أساس انه بده يروح يسبقني ويوكل ستي بس على مين يابااااااا... يا بااااااااااطل

ضحكت عليه وانا رحت من الطريق القصيرة تبعت الدواوير اول تاني تالت رابع خامس سادس سابع تامن شارع المطار تحت الجسر ثم العودة سابع سادس خامس: وهكذا


والذئب وديته من الطريق البعيدة : يعني شوي بوصل حدود لبنان وبرجع


المهم: وصلت عند ستي : قلت خلينا نوخد احتياطاتنا : قلتلها ديري بالي على حالك ليوكلك الذئب ان اجا وانا مش عندك

قالتلي خليك عندي نامي الليلة وبكرا بتروحي

وهكذا صار.... طبعا ستي بتعرفش تقعد عاقلة لازم تشغلني: بالله امسحيلي هالكراسي : بالله نضفيلي هالشبابيك : بالله طلعيلي الحصيرة برا واشطفي


بعد ما خلصت : قررنا نوكل: طبعا فش طبيخ

صرنا نوكل كعك وشاي : كعك وشاي : كعك وشاي تااااااااااااااااا انسطحنا الحمد لله

والا ستي بتقول: هو يا نمرودة تغليلك ابريق شاي تا نتروق

خخخخخخخ


: المهم : قررنا ننام : لأنه الذئب لسه ما اجى والله قلقت عليه وين راح

؟؟؟؟


واحنا نايمين بلشت ستي تشخور

اخخخخخخ : ايييش اخخخخ ايييش

انا صحيتها: ستي ستي: قومي : فكرت الذئب اجا نطت زي المجنونة ققلتلها لا ولا اشي بس لا تشخري بدي اعرف انام

بعد شوي : هدوء تام : ...... ستي : يا ستي وك شو مالك يا نمرودة : لا ولا اشي فكرتك مُتت لانه انقطع شخيرك



تاني يوم صحينا : بسم الله الرجمن الرحيم: لهسه الذئب ما اجى

ووووووين راح
انا قلت شكله بطل يوكل ستي



فتحنا التلفزيون نتسلى شوي وإذ بالذئب طالع على قناة روتانا
ستي شافته وقالت :والله منور الشاشة
اتاريه فعلا واصل لبنان وهناك عامل فيديو كليب مع جورج الراسي بأغنيته يا ذيب لابس توب الحمل


وتوتة توتة خلصت الحتوتة


ملاحظة : فعلا الذيب كان منور الشاشة لأنه ضو اللمبة تبعت الفكرة الألمعية بعده مضوي فوق راسه

وبعد يومين جورج الراسي ببعتلي برقية شكر وتهنئة لأنه وفرت عليه مصاريف طاقم الاضاءة والكشافات


كانت معكم نمرودة المقرودة : مخبز السفراء: الصويفية


ودمتم سالمين

و دن ديريري دن ديريري

حالة حب

حرر بتاريخ 2/9/2007

اما تقرير اليوم يا طويلين العمر فهو عن برنامج كان ييجي زمان على الراديو اسمه حالة حب وواحد تاني اسمه سييل ويقدمه المذيع اللامع فيني رومي

كنت بس اسمع صوته يغمن علي يغمن علي
آآآيييآآآيييي


كنت جد اندمج معه واصير اعيط
الله يرحم زمن التقـلط


طبعا هسه بطلت احضره قصدي اشوفه لانه بطل ولانه اهتماماتي اختلفت هسه

صرت اتابع جنون على الافتر نوون وبصراحة مع محمد الوكيل
خخخخخخ

ليس



هو كان يبلش البرنامج تقريبا بحدود الحادية عشر ليلا مدته شي ساعتين

وبيستقبل أتصالات وبحط أغاني مشان الأهدائات وبعدين بحط على حسب الحالة يلي عم يسمعها
يعني حسب حالة الدمار الواصل الها المتصل
:rgs

.

طبعا الاتصالات لنفس الحالة متكررة وكل مرة بنت شكل بتحكي وكل وحدة بطريقتها بس كله نفس المغزى
حبحبني وحبحبته



فيني: معنا أتصال .. ألو ألو

المتصلة ((بصوت منخفض جدا جدا)): مسا الخير

فيني :ياريت لو تسمعينا من التلفون مو من الراديو
المتصلة ((بصوت منخفض أكثر وأكثر)):كيفك فيني




فيني :الصوت ماعم نسمعوه الكونترول المشكلة من عنا ولا من عند المتصلة
المتصلة ((ويادوب هه علت صوتها نتفة)): فيني ماب بقدر علي صوتي لأنو أنا قاعدة بالحمام وعم أحكي معك وخايفة أهلي يسمعوني




فيني :أهلا وسهلا من عم يحاكينا
المتصلة : بحبه .. بحبه يافيني

فيني : طيب أوكي بس بالأول عرفينا عن حالك بركي بيكون عم يسمعك
المتصلة ((فايتة بميت حيط)): مين ؟؟



فيني : ولووو يلي بتحبيه
المتصلة : اشتقتله كتير , شو أعمل؟؟

فيني: طيب هو بيحبك؟؟
المتصلة : قد ما بقلك وأكتر

فيني: طيب وين المشكلة
المتصلة(سكوت بعدين بتسمعنا أنو هي عم تبكي))




فيني: له ليش عم تبكي حرام عيونك تبكي ,طيب احكيلنا قصتك بلكي فينا نساعدك أنا والمستمعين
المتصلة: أنا ماسكة سكينة وهلأ رح أنتحر وأنت فيني الشخص الوحيد يلي رح قلك




فيني ((بخف عقله)): له شو تنتحري ,مابصير بعدين أنت مالك مؤمنة ياريت لو تحكيلنا قصتك بركي منحللك ياها
المتصلة ((سكوت قبل العاصف.. تخويف يعني )):فيني أنا بحبو كتير وهو بحبني
وصرلنا سبع سنين -ودقولي على سبع سنين- مع بعض ودائما بجبلي هدايا ودائما معي
وبعمروه ماخاني ودائما بنطلع سوى ودائما بقلي أنت الحب الأول والأخير

وأنا متأكدة من حكيه.. حتى انه بضل واقف تحت شباكي وأنا بطلع عليه وبحس حالي مالكة الدنيا كلها كتير كتير بحبه



((بترجع بتسمعنا صوتها أنه عم تبكي))



فيني : طولي بالك مو منيح البكا ومارح يفيدك ومشان صحتك
المتصلة :شو لازم أعمل ؟؟

فيني : بس ماعرفنا وين المشكلة
المتصلة : خلص مابدي اوجعلكم راسكم أكتر

فيني : له الله يسامحك ما نحنا برنامجنا بس لسماع مشاكل الحب وحلاوة مرار الحب وولعته
ومافي أحلى من أنو الواحد يحب ياريت لو الدنيا كلها حب ونيال يلي داق طعم الحب وتولع فيه
خلينا كلنا نحب خلينا نعلم يلي حولينا الحب
وخلينا نتعلم من قيس وليلى ..... من روميو وجوليت
هي هي الدنيا حب وبس ومالها أي طعم من دون الحب

((((((((طبعا بقعد يبرم مليون ساعة ويحكي عن اصول الحب ومين اللي اخترعه ومين اول حد حب وقديش حب ومين حب وفوائد الحب وبلا بلا بلا))))))))



بتسكر المتصلة أو على الاكيد هم بفصلو الخط لانها سمت بدن فيني .. وبدني
:rant


وبقول فيني: ياريتنا كلنا بنحس بالحب متل المتصلة يلي اتصلت فينا هاد هو الحب
بنتمنى ترجع هالمتصلة وتحاكينا وقت تروق اكتر

وخلينا مع اغنية حبيبي وأنت بعيد لتامر حسني


وبعدها لاعبر على تركيا واشرب تتن واكيف
دن ديريري دن ديريري



ملاحظة : تقبل تعازي المتصلة بمنزلها الواقع بسن الفيل .. مرجعيون شارع الحمرا .. جنب السمان ابو مفيد



بث خلاث
ودمتم بتحبو

فضائيات

حرر بتاريخ 28/2/2007

اما تقرير اليوم يا سامعين الصوت وطايلين العمر فهو كالتالي
بس قبل لتقرأوه : بالله لو تنزلو تحت وتشوفو طوله وخدو نفس عميق واللي حاب يروح الحمام او يتوضا ويصلي بعدين يرجعله بكون احسنله
خخخخخخخخخ


هادا امبارح وانا سهران : الساعة كانت 2 يعني الصبح بالليل : فا قلت خليني اتفرج على التلفزيون زمان ما شفته : وبما انه كل شي عم ينعرض كان اعادة فقلت يلا بتسلى بدل ما انا قاعدة زي البومة : ومشان ما ازهق في لعبة بلعبها بيني وبين حالي وهي انه بمسك الريموت وببدأ تقليب القنوات وبتفرج على كل قناة بالتلفزيون بحيث اني بعّير الساعة بالموبايل على دقيقة : يعني كل محطة لازم احضرها دقيقة كاملة مهما كان الشي المعروض او كانت مسكرة : يعني تمضاية وقت : هبلة بعرف


فكانت المحصلة كالتالي

طبعا انسولي التلفزيون الاردني: اللي ماغصني مغص وشكلي رح انزله بتقرير لحاله قد ما انجلطت منه وحسيت هالدقيقة عن قرن
كان في برنامج اعادة حوارات الدكتورة فدوى : ختيارة لابسة زهري واخضر (شبيهه مريم نور) والديكور كالعادة عبارة عن طاولة وشوية شموع ومليون بوكيه ورد مزتوتين حيالله بيالله عل اطراف الاستوديو وبرداية خرز وبرق مدندلة من ورا ستار حديدي وراه ضواو وشموع : يا اخي والله ديكورات الشاشة الاردنية مبينة من هالتخلف اللي فيها : وصحيح لا تنسو اسم البرنامج دايما بالقرنة تحت ومعمول ببرنامج الباور بوينت : وانت منسجم فجأة بدون سابق انذار بطلعلك دعاية اشبك على النت صفر تسعة تلات اصفار وعشر سبعاااااااااااات : آآآآه اكيد ربحك دايمـ(ن) اكيد



قناة سترايك
الديكور عبارة عن خلفية حمرا وسؤال بقول نملة مش لابسة بنطلون جينز اخضر ليه ؟ والجائزة نص مليون دولار : والمذيعة شاربة فيمتو وجاية تقدم: يالله مشاهدينا اتصلو واربحو معانا : كبسة زر: كبسة ربح: يالله شو ناطرين : طبعا فش حدا بحكي معهم مش لاشي بس لانهم مانعين الاتصالات ليقنعوكم انه فش غيركم رح يعلق معه الخط وتربح هالجائزة الخرافية اللي ما بتربحهها لانه ما عرفت ليه النملة لابسة اخضر مش ازرق

طبعا اكيد في تحت شريط رسايل : مملوحة السعودية : فديييييتج عسووووولة ..... مظعون الكويت: 5مس وردات وتلاتمية فلة وعشرين زنبقة (بالعقل بنزل رقم موبايله)... وهكذا ...



قناة سبايسي

spicy
هاي قناة مفتوحة للناس شغل تخريم : مع كاسة شاي بنعنع اشي فاخر من الاخر: طبعا كل الشاشة عبارة عن شات : غرشوبة دبي: كوكو ابي الاماكن لمحمد عبده مشكوووور .... شايف وساكت (حدا بسمي حاله هيك) :فديت الروح اللي تبي تتعرف على قمرة الليل
بس الاغاني دمار : : خليجية من سنة هتلر : دخووون لعبادي الجوهر: بعدها البرواز لطلال مداح وهكذا


قناة سبيس تون بالعربي
يكتر خيرها بعدها فاتحه : يعني مشان الاولاد الصغار اللي مقززين امهم ومش راضيين ينامو يحضروها
حتى هاي ما سلمت وصار في شريط رسائل تحت... كانت عم تعرض رسوم اول مرة بشوفه : مخلوقات عجيبة وديناصورات واشياء يابانية : يا اخي والله رسوم ايام زمان احلى : وماله الرغيف العجيب وسنبل بطلو ينفعو
والا التالتابيز: يا حبيبي شو بكرههم : كل شغلتهم بالحياة يتمعملو ويتدحدلو على العشب مع شوية ارانب ..عندهم مكنسة كهرباء بتعمل كل شي..خبز وفطاير وعصير زهري زي عصير البزاقات


قناة سبيس تون بالانجليزي
يكتر خيرها بعدها فاتحه : يعني مشان الاولاد الصغار اللي مقززين امهم ومش راضيين ينامو يحضروها
حتى هاي ما سلمت وصار في شريط رسائل تحت... كانت عم تعرض رسوم اول مرة بشوفه : مخلوقات عجيبة وديناصورات واشياء يابانية : يا اخي والله رسوم ايام زمان احلى : وماله الرغيف العجيب وسنبل بطلو ينفعو
والا التالتابيز: يا حبيبي شو بكرههم: كل شغلتهم بالحياة يتمعملو ويتدحدلو على العشب مع شوية ارانب ..عندهم مكنسة كهرباء بتعمل كل شي..خبز وفطاير وعصير زهري زي عصير البزاقات
(بس بالانكليزي ومن الشمال لليمين)



قناة الديرة
نفسي مرة احط عليها وما الاقي ياسر العظمة بخلقتي : يعني فش عندهم الامرايا من سنة 97 وجر جاي
والحمد لله فش شريط للرسايل تحت




قناة فتافيت fatafeat
هاي قناة متخصصة بالطبخ : يم يم: كانت عارضة الشيف اسامة السيد : حاولت افهم شو بطبخ بس عبث.. جاب ملفوفة وسلقها زي ما هي كاملة

: طول عمرنا بس نسلق الملفوف بنقطعه الا هادا بخبص وسلقها حبة كاملة: بعدين طالها ولفها ببشكير ونشفها من برا ورجع غطاها بورق رقيق متل ورق الزبدة تبع طلاب العمارة وجاب رشرش المي ورشها...شووووو . طب ليش نشفها اموت واعرف .. بعدين كعبلها وحطها بالمايكروييف . جد ولا اشي: بس ضلت حسرة بقلبي كان نفسي اعرف شو سوا فيها بعدين لكن الدقيقة خلصت : خوف الله عملها فطبول لذوي الاحتياجات الخاصة

قريبا رح تطلق خدمة الرسائل



قناة ابو ظبي
برنامج وتصويت وارقام تلفونات لتصوتو لمتسابقكم المفضل من الميدان
عاد شو هو الميدان وشو او وين الفن بمسك حديدة والا شبرية وتلولحي يا دالية مش عارف : فجأة ملحق او على قولتنا خبر عاجل: عدم تأهل المتسابق الاماراتي لدورة دبي للتنس.. طبعا شو جاب طز لمرحبا بتعرفوش



قناة الجرس
يا حبيبيييييييييييييييييييي : وين انا باقية عنها هالقناة : : طبعا بالبداية فكرتها اردنية من المسجات اللي كانت تحت: طبعا شريطين مش شريط واحد للرسايل ونص المسجات اكسات : قال يعني مشفرة وبمرقولهم اكمن مسج بكلام مش مؤدب قال يعني عندهم ديمقراطية وحرية وشجاعة وقوة
كان في برنامج عن الراقصين الذكور ... ولا اشي جايب واحد جد جد انه رقاصة اخو اخته: ضليت عا صفنتي : طبعا الدقيقة صارت دقيقتين: قلت معلش فدا الفن والشي المش غلط ولا الحرام اللي بعملوه : اللهم عافينا وجيرنا



قناة السودان
يا ويلي عليهم : جد جد هالقناة نفسي الاقي فيها ديكور او برنامج او اشي زيالعالم والناس: كان في اطفال جايبينهم من مدرسة الشويفات اللي عندهم لانهم شكلهم مرتب قال يعني: ونازلين اغاني: احنا الجنوب اطفال صغار..عايزين لبن عايزين خضار ... والموسيقي كلها بالابواق والزمامير: علمكم كيف الموسيقى السودانية وديكورات الخشب وسعف النخل
طبعا لو نموت ولو نطلع على القمر ما رح يصير عندهم خدمة رسايل تحت : لانهم بتعبو كتير زي ما سمعت فكيف لو قعد يكتب مسج: بموت وهو لسه بيا زول


قناة سرحانينا او في مقولة اخرى نورمينا
نفسي ومنى عيني احط عليها وما الاقي بشار السرحان بغني.. او دعاية لالبومه اردنيات : ليش الحكي والله صوته حلو بس ميوله الفنية خربت بعد آخر فيديو كليبين عملهم..
طبعا في شريطين رسايل : واحد فوق وواحد تحت : والمسجات حدث ولا حرج
صقر البادية : الفيصلي الزعيم والاردن اولا وخاوة .... بعد شوي برد عليه واحد: بقعاوي اصيل: الوحدات وبس روحو نامو وخاوة (هاي الخاوة بكل مسج مش عارف ليش) ..لا احلى اشي الكنترول بكون بتفاعل معهم وبرد عليهم.. ومسج آخر من عائلة وعشائر فلان الفلاني بتحيي نشامى الوطن وسباع ابو ..... والفلان الفلاني اولا وخاوة



قنوات نجوم الغنائية
الله وكيلكم الاربع قنوات عليهم محمد عبده بغني الاماكن بس كل قناة بدشداشة شكل .. ونفس غرشوبة دبي بتلاقيها شغالة بالمسجات على جميع المحطات: على كوكو كرر بليز: وعلى فدييييتج يا واكل بطخة .. وشخلوط شمر بحيي اهل الامارات وبطلب اغنية نسيتونا لسعيد العامري او فايز السعيد
طبعا في قناة منهم مرات بتجيب هادا الملطوش اللي بغني الاماراتي نسيت شو اسمه اللي معه مسبحة حمرا وعصاية ومكحل عيونه.. برنامج البحث عن النجوم وحاتم العراقي بغني على المسرح وتحته 6 صبايا بهزو بالعبايات وامامه 872462365652972
واحد بصوره او بالاحرى بصور الصبايا بالكاميرات والخلويات



قناة الراي الكويتية
دعاية لبرنامج الرجل (نفسه آدم تبع ام بي سي بس لاطشين فكرته) والمذيعين قال فايعين ولابسين سناسيل وبلايز زهري: شو قصتهم مع الزهري مش عارف.. ثم مسلسل فيه زينب العسكري بتعيط وفجأة بتنام وهي فل ميكب وبتصحى وبعدها فل ميكب و لابسة كأنها رايحة على عرس في قصر كله كنب فاخر ورخام وخدم وحشم وسيارات.. واله بتشط ريالة الواحد على الفخامة .. بس ...... بلاش اقولها



قناة ميلودي افلام
بيجي هادا المفصوم الوحش الاصفر : تحشيش بضرب المدرس الخصوصي ... بعدين فيلم اللمبي او اللي بالي بالك: صارو عايدينه 2364264 مرة حتى اللي ما حفظ النص يحفظه



ميلودي اغاني عربي وهيتز
مش عارف من وين ابدا: من المسجات: مان كنترول عايزة اغنية مي سليم بحبك اوي مع سمايلي وردات... عرض حصري واكسكلوسف لاغنية نعيم العطار منذور حبك

(بتعرفش مين الاغنية ومين اسم المطرب)



قناة وسيط الخير
هاي اول مرة بشوفها : يعني اللي بده يتجوز يروح يقدم طلب هناك وبطلع على الشاشة مباشرة :
امارتي مملوح زين البشرة مقيم في الامارات يبي وحدة بيضا وحلوة
سعودي متزوج عمره 31 يبحث عن عروس زواج مسيار يفضل لبنانية
مصرية محجبة عمر 17 عزباء بحاجة لخبز وحنان



قناة فواصل : وهلم جرا من غيرها من القنوات الغنائية
ما زالت غرشوبة دبي تبحث عن ابن البادية ... كان في اغنية لخالد عبد الرحمن وهو ملثم بهالشماغ ووراه خيل بتركض بالصحرا وشمس ورمال .. وساعة بتلف.. وبنت شقفة موديل الحواجب 5 سنتمتر وشامة بحجم كرة الغولف على ارنبة انفها .... وبعدها اغنية لابصر مين ومعه 72302750 رقاصة من تبعون هز يا وز وشعر وتلولحي يا دالية .. وبربيش مي قال شتاء : طبعا بتكون تدور على الاغنية دوارة من بين خدمات الرسائل الخاصة الى نسبة التوفيق بين الحبيبين الى لعبة احزر وين الكنز الى مسابقة وين السهم رح يمر .. الخ الخ الخ



قناة شهرزاد
كل القنوات كوم وهاي كوم : هاي حجابات عينك عينكك: علنا على الهوا والمصيبة انهم بستخدمو القرآن الكريم لغاياتهم الــــ..... : والادهى المسجات اللي تحت : ابو علي دخيلك ساعدني . طبعا ابو علي شكله بسم الله الرحمن الرحيم : كش برا وبعيد : وصافن بالكاميرا وببحلق تقول راكبه بسم الله : يممممممما : ومعه مذيعة قال محجبة يعني: وصفاته العجيبة : الله ياخده ان شالله : قراءة سورة كذا عند الصباح مع شرب ماء الزعفران المغلي : شووووو . والمسجات متواصلة : ابن شمّر يسال عن الرزق والزواج ... بنت كركوك : ارجوك ابو علي ساعدني: فوزية بنت خيرية : وزوجي مسعود بن نظمية .... اللهم عافينا وجيرنا



قناة تونس
ما فهمتش ولا شي: بتمنى لو يحطو ترجمة عربي للعربي اللي ببرطمو فيه


قناة تسلية
هاي القناة بتمغص ابو اللي عمره ما انمغص : بيجي واحد متل الرسوم وبقرأ مسجات الناس كانه رجل آلي: المشكلة واللي بجلط بالموضوع انه في ناس بتبعت مسجات .. غارشوبيت دوباي تيبي تاتاعاراف (غرشوبة دبي تبي تتعرف) برضه هون



قناة الجزيرة الرياضية
مشفرة .. بس والله الموسيقى مش بطالة



قناة النيل التعليمية
اموت واعرف مين غيري صاحي بهالوقت ليحضر درس جغرافيا للصف السادس عن الصخور الرسوبية



قناة الحقيقة
اخت قناة شهرزاد : مع شوية حالات عن مرضى وتعالجو .. يعني شغل تمويه مشان بركة الشيخ



قناة شوبينغ A1 shop
هاي قناة لبيع الاشياء عبر الهواء ..كله كوم والدوبلاج بالمصري كوم .. يا لهوي . هو انتي بعدك بتستعملي لفافات الشعر الئديمة.. بصي دلوقت مع يونيون اير شعرك بئى حرير



قناة الانوار ... وعلى شاكلتها القنوات العراقية المش سنية
شريط المسجات تحت لمسني لمس : يا حسين..يا غروب الجسد .. الطف بنا يا رب الحسينين ... مع مناظر لشيخ لابس اسود باسود قاعد على منبر وبخربط سواليف ... مع مناظر لسلاسل ودم و الخ الخ الخ


قناة عجمان
نفسي احط عليها ان كان صبح او ليل والاقي غير حوض السمك مع الموسيقى


قناة ستار اكاديمي
قماح عابط سالي .. احمد عابط مروة : مدام رولا عابطة وديع خلف الكواليس : المصور عابط الكاميرا : سيمبا عابط برواز عليه صورة بسة : : امل بتعيط كالعادة وشذى بتدادي فيها مرة بالعربي ومرة بالفرنسي ومرة بالانكليزي ومرة بالسنسكريتي .. والمسجات تحت : حنا السعودية وحوش التصويت علي ستاراااااااااااك 222222222 ... وفاء تونس وكل صفاقس معاك يا سالي 11111111 .. كنترول نبي نشوف كارلو ملينا من الدلاخة امل ... الخ الخ الخ




واخيرا


قناة نمرودة الفضائية

الشاشة مقسمة لعدة اقسام : اشي رياضة: اشي طبخ : اشي مشفر: اشياء اغاني: اشياء رقص: اشي افلام : اشي مغلق : اشي تيست : اشي شات : اشي ستار اكاديمي : اشي خياطة : اشي ثقافة بس مش مبين ... شريط مسجات بالطول . وشريط مسجات بالعرض.. شريط مسجات قطري وداخل عليه شريط مسجات برايفت وخاص وعلى يمينك نسبة التوافق بينك وبين الحبيب وعلى القرنة بالشمال لعبة انت وحظك. وعلى يمين القرنة اللي فوق ذبانة ميتة من كتر وهج التلفزيون وعلى شمالها موبايل برن

طبعا هالقناة بدهاش رسوم اشتراك شهري وشغالة 24/7 لكن بنقصك شي واحد بس لتشوفها وهو
تلفزيون 85 بوصة وسلامتكو وتعيشو



طفيت ساعة الموبايل : طفيت الضو: طفيت الصوبة : طفيت التلفزيون : طفيت دماغي ورحت اندفست
الله لا يعيدها من ليلة


بث خلاث

ودمتم سالمين

من كل قطر أغنية

حرر بتاريخ 17/3/2007

الموضوع الاول في هذا التقرير هو باسكال مشعلاني
نعم باسكال مشعلاني: يا اخوان والله بحزن عليها لهالمخلوقة: بتغلب حالها وبتعمل فيدو كليبات وبتشتري اواعي لزومهم : وبتدفع اللازي منه لأجل التصوير وكادر عمل ومخرج ومصور مرحوم وسفر وتزاكر وكل هادا على شو: اموت واعرف مين بشتريلها كاسيتات او سي ديز

انا ربنا الله لو اموت ما بفكر اشتريلها كاسيت او اتابع آخر اعمالها الفنية
فقررت رأفة مني اني اروح على الميوزيك بوكس الدوار السابع وقال بدي اشتري سي دي: قلت يالله دعما للبنان


يا اخوان الاسطوانة هناك سعرها 7 ليرات قال اصلي ونسخة روتانا : انا سحبت حالي بالعقل قلتله عمو مش هادا اللي بدي اياه

ونزلنا على الجورة وشريت سي دي ب 35 قرش اخو الاولاني ابو سبع ليرات
وسمعته ويا ريت ما سمعته

سمايلي معصور دماغه عصر من النشاز

ما علينا : من باسكال : نفس الشي صحن او في مقولة اخرى شيرين وجدي: بالله شوفو معي او اسالو اي حدا بتعرفوه عمره شرالها كاسيت ؟؟؟: ما اعتقد : طبعا اسم صحن لانه وجهها قد الصحن وبس تطلع على التلفزيون بتعبي الشاشة : وآخر مرة بس اجت على جرش كان المدرج معرم تعرم ناس مش محبة فيها بل لانه فتحو الابواب مجانا للعالم لانه ما حدا شرالها بطاقات يحضرها


وعلى شاكلتهم وحدة اسمها امل حجازي مش عارفة شو تسوي بشعرها :

وهاي الاردنية نهاوند والا سميرة العسلي: الجوز اطقع من بعض: هديك اليوم كان في مقابلة بالجريدة مع وحدة منهم : قال بالبنط العريض انا لا اسعى للشهرة لعاد كيف لو انها تسعى

خخخخخخخخخخخخخخخخخخخخخ


الموضوع التاني بهالتقرير : مش بعيد عن الفن برضه

شو قصة البانيو بالفيديو كليبات : يعني شو الهدف او المغزى من وجود بانيو في مزرعة خضرا وفيها بني آدم قاعد بحلق لحيته وحواليه دخان وضباب وغبرة : والمطربة قصدي الفنانة او الهاوية وراه عم تغنيله : جد جد تخيلو مثلا كان على ايام عبد الحليم وام كلثوم موضة الفيديو كليبات :

اتخيليو عبد الحليم مبحط ببانيو ومعاه شادية بتغنيله وبتحلقله لحيته : مع ملاحظة انها لابسة جكيت البجامة فقط وعبدالحليم لابس البنطلون



موضوع آخر

خطر عبالي هالشغلة: مش ام كلثوم بتغني ودايما حاملة هالشرشف او الشريطة معها تبعت التلويح والتلويع

يا حزركم شو كان لونها: بما انه كان التلفزيون ابيض واسود انا متخيل انه لونها ازرق على لون سنسال القمر اللي بتكون لابسته والا شو رايكم


موضوع آخر آخر

اكيد سامعين بعروة زريقات : وياللي ما سمع فيه هادا مذيع أردني صار متقاعد 7 مرات بس رجعوه من التقاعد لانه فش غيره شاب مؤدب وكرموش يقدم برنامج الشباب الحكي النا



كمان موضوع

بمناسبة برنامج يطع صباحك او بعبارة اخرى يسعد صباحك : انا آخر فيرجن حضرتها منه ايام ما كانت تقدمه سالي الاسعد
بعدها فقرة الوطن الجميل من بلدية الباعج بنطو 98543895 ولد

ويشعد شباحكو على اكمن بنت لابسات مدارق وبقمعن بامية واشي برصع زيتون

: واكيد كل المتصلين شعارهم الموحد بشكركو على هالبرنامج الحلو


وفي موضوع آخر يتعلق بالنشرة الجوية

يوم التلجة ما غيرها كانت النشرة كالتالي: الرياح شرقية غربية معتدلة السرعة :لاحظوا شرقية غربية

يعني الهوا بيجي ملاخمة

خخخخخخخخ

والبحر هادئ: نفسي مرة بالحياة يكون بحر العقبة مش هادئ

!!!!!!!

وآخر موضوع لانه خلص بكفيكم

دعايات القبل وبعد تبعون اي منتج : ان كان للشعر او دوا جلي او اي شي
ليه يعني بشيلو الصورة مباشرة وبقطعوها وبعدين بجيبولنا النتيجة بعد على اساس انها على زنقة عشرة : يعني مش واثقين من منتجهم : بقطعو الدعاية وبجيبو سرلانكية تدعك الصحون كويس وبعدين بكملو باقي الدعاية بعد انه بلمع لمع الصحن
اما تبع الشعر: بجيبو واحد مش نفس الاولاني وبطخي راسه وما ببين وجهه الا طنجرته اللي بي اكتافه وعليها الشعرات الزيادة اللي طلعو

وبث خلاث

ودمتم سالمين

رسوم متحركة

حرر بتاريخ 10/3/2007

تقرير اليوم عن افلام الكرتون وفي مقولة اخرى الرسوم المتحركة


يا اخوان والله رسوم زمان غير : الها طعم وشكل ولون ومضمون مختلف: اوكيه انهم بضحكو على عقولنا فيهم

واليكم الأمثلة

فاكرين الرغيف العجيب : انتو تخيلو المبدأ رغيف : يعني خبزة رضف والا كماج وبتطير بالسما ولابس زي سوبر مان رداء بهفهف وراه كل ما طار : طبعا في صراع بين الخير والشر: فاكرين قط الباكتيريا : كاتي كاتي كوووووو هع هع هع

وبطلق من مركبته الفضائية العفن اللي بحكي سو سو سيو سيو وبصير الرغيف العجيب مريض وبحتاج لتغيير راسه : او بطعمي خشمة من راسه للي بكون تعبان " فا برجع بسرعة عند عمو الفران وبخبزله راس جديد وبركبه : كانت قمة المتعة عندي لما يركبه والرغيف يرجع سعيد ومبسوط هو واصدقاءه الكلب زعتر وهداك الطنجرة الصينية اللي بخبط عا راسو هلمو الي عا طبق مشوي : ارز بصلصة وسمك مقلي تم تم طم طك تيم تيم طم



رسوم تاني: سنبل
صديقنا سنبل يعود من جديد يروي لنا الحكايا عن عالم بعيد فاكرينه مع الشمسية الملونة تبعته : بيجي من عالم المظلات عبر خزانة الاواعي : طبعا عبر جملته الشهيرة دوري يا مظلتي دورييييييييي وبصير قوس قزح بتزحلق عليه وورد والوان وميمعة : يعني رسوم شغل قلق وصرعة
:رقص:


كمان رسوم : سميد
موسيقته تي تيريتي سميد : تي تيريتي سميد فاكرينه بكون عايش في مكب نفايات وبتغدى وبتعشى على عجال السيارات : حبيت مبدأه انه بعطي امنية لواحد وبتخلص مفعولها عند غياب الشمس: صحيح نفسي اعرف شو هو سميد او ينتمي لاي فصيلة : شكله متل شوال الرز المصري مع عيون متل البزاقة وطاقية متل السلحفاة وشنبات متل البسة : خوف الله معه زحار اميبي في جيناته لهيك طالع عجبة



اممممممممممم : شو كمان : فاكرين بسيط : الثور اللي دايما لابس احمر وبزرع الارض اول يوم وتاني يوم كل الحمامات بياكلو الي زرعه


احلى اشي سيدة ملعقة : جوزها شوكت : اموت واعرف ليه مخبية عنه سر انها بتصغر : ليه يعني بس هديك البنت اللي اسمها لولي واللي دايما على مرجيحة بتعرف::ملخوم: احلى اشي صوتها بس تصغر : تقول بتزغرت لولولولولوولولولولو وهووووب والا هي قد الدودة صارت
:حنون:

احلى اشي كمان السنافر ولا اشي شرشبيل : سأشويكم سأقليكم سأعمل منكم مربى : وبسته هرهور بتشبه بسه جربة بحارتنا
انا بكره سنفورة لانها شايفة حالها :ريد فيس : احلى اشي لما يرمو سنفور مفكر طراااااخ عل راسه بآخر الغابة على افكاره الخنفشارية والخردنعية :ضحك: وكمان فاكرين سنفور قوي داقق عا كتفه قلب حب ولا اشي هع هع هع : لخمة: وكمان سنفور غضبان دايما انا اكره السنافر : انااكره التوت السنفري:
حدا بوكل توت سنفري بري زعنفري هعهعهع كمان احلى اشي سنفروا بحياتكم . تنسوش انهم مشلحين يا عيبهم وبس لابسين بلاطين بيض وجسمهم ازرق :صفيرة: صحيح نسيت سنفور غبي تبع المفاجأة اللي بتفقع مع كل الناس
:هاه:

طبعا نو كومنت على عدنان ولينا لانه الكل عارفة ومتزكره منيح : احلى اشي لقاء عبسي وعدنان اول مرة : رى كنت اخاف من جد لينا شكله زي الدجال الاعور اللهم عافينا
: عيوط:

واكيد الكل حضر توم اند جيري: بس ممكن حدا يقلي شو نهاية الصراع بينهم : يعني انو احسن توم والا جيري وانو اسوا توم والا جيري: ترى جد اللي اخترعه فنان لانه بنحبهم سوا وما بنكرهم
:ياااااي:

اكيد مش ناسيين الليدي اوسكار شيخ الشباب : طبعا لانه زماااااااااااااااااان عنه فا مش متزكرته منيح


فاكرين الحوت الابيض: لاحظو الفكرة : حوت ابيض وطاير بالجو وبصير حوله شعاع بحميه من الاعداء : بكونو الابطال قاعدين على كراسي وقدامهم كرات متل بلورات المشعوذ بتمتمو اكمن كلمة عليهم بتنطلق الاشعة ثم بصير الحوت قوي : شو دخل الاغريق او اعمدة اليونان بالموضوع بعرفش
:بورد يعني نعسان:

كمان الشجعان الثلاثة : كنت احب نوار واستاذ بدر بشعره الابيض الطويل وسوالفه السود : الفا انطلق: جاما انطلق: بيتا انطلق:
السيف القاطعععععععععععع هع هع هع والاهبل عماد اللي كان عنده كركوعة برتقالية بعرفش يتحكم فيها


طبعا رح مر مرور الكرام على سبانك : اللي طول نهاره بعوي : أوو أوووو وصاحبته رشا الاغبى منه
:طراخ عا راسي:

صحيح اهم رسوم واحلى رسوم حضرته بحياتي كان ماروكو الصغيرة : اودادا او دادا او دادا : لاحظو لما تعصب او تزعل بتنزل خطوط بالطول من جبينها : احلى حلقة حششت عليها من الضحك كانت مسهولة بعيد عن السامعين وروحت على الدار طيران لقت جدها المفصوم بالتواليت اجلكم الله وقعدت تصيح وتخبط جدي جدي ارجوك اخرج ارجوووووك / هع هع هع طبعا جدها نجس ما طلع الا تا ريح ضميره
:صفيرة:
والا امها لماروكو : زي اللي معها ابو دغيم واختها بكرهها لانه بلوة وحية من تحت تبن: كمان اصدقاء ماروركو بالمدرسة هاناو الشب الثري اللي بيلمع لمع وشعره مسبل عا جنب: وناغاتاو اللي بشبه البصلة : وهداك المفصوم ابو نضارات تبع مجلس الطلبة ودايما الا اقول الحقيقة


نسيت زينغو ورينغو ويحيا الذكاااااااااااااااااااء : كان شكلهم حلو متل المعجون ومديور عليهم زيت بلمعوا
وكمان الموزات بالبجامات عم ينزلو الدرجات : هل تفكر بما افكر يا بي ون : اعتقد ذلك يا بي تو حان وقت الطعاااااام

وكمان انا اسمي ماجد ماااااااااااااجد لعبة خشبية : بس هادا اللي بعرفه وفاكره هع هع هع

وفي كمان المتنورون او الدببة الملونة النضاف وعكسهم ست غبرة وبربور (والله هيك اسمه واحد برميل ولابس ازرق واصلع) وكمان واحد عبقري بدهم يخلصوا من النظافة وقاعدين بالبحر وحواليهم بقع ووسخ وزبالة ونفايات مما تشتهي الانفس : متل مكتبي يعني


جد يرحم ايام زمان : كانت افلام كرتون عا جيلي احلى من اللي موجود هلا على الساحة
كله كوم وابطال الديجيتال كوم : نفسي افهم شو المبدأ تبعه : كله كائنات غريبة وبتطير وقوة طاقة وسواليف طرمة وميمعة واضواو وبرق ورعد وصراخ وانطلللللللللق : المتصدي متعدد الطلقات قااااااااااااااااادم
: ملخوم بشدة:


والا سابق ولاحق يا حبيبي كملت

فا يعني اللي عنده ذكريات عن افلام كرتون يبقى يشاركنا فيها


بس انشالله واحد بجيبلي سيرة حميدو والا الهداف والا ابطال الملاعب والا كابتن رابح وحبيبته قاترين مش كاترين : وكابتن ماجد وكابتن ربحي وكابتن ابو عصام :ملخوم: مين هاد
ولا سيرة بيل وسباستيان ولا طمطم ولا فليستونز
ولا تبعون البنات : لا ليدي ليدي ولا سالي ولا صوفي ولا عنتر وعبلة فكوني قرف
وقد اعذر من انذر : مع تحذير شديد اللهجة لسيرة التاليتابيز

الله يقطهم شغل تمعمل على الارض مع المكنسة الكهربائية تبعتهم اللي بتصنعلهم كعك وعصير زهري زي عصير البزاقات

بث خلاث

ودمتم كاتي كاتي كووووو

أصوات

حرر بتاريخ 26/4/2007

بحكم خدمتي لمدة 18 سنة في حي شعبي بعدين رحلت وتنجرت قال يعني

فا كل يوم الصبح كنا نصحى على الاصوات التالية والتي أحن لها الآن في عمان الغربية

اول صوت من الصبح كان يوووووووف يووووووف طن طن طن طبعا هادا الصوت من بعيد

بس يقرب بطلع كاااز كاااااز : هالتراكتور الاصفر حامل وراه الكاز وزلمة بنادي على الكاااز

صوت تاني : حالووووووب بطلع بالآخر الزلمة ببيع حلب (كرابيج حلب) طبعا هالحكي الساعة 6 الصبح مش فاهم مين بجي عباله بهيك وقت يشتري : يعني لو انها وحدة ببتوحم ما هو هيك

تالت صوت طن طن طن :بيييب بيييب بيييب ومرات أخرى تيريري ريريري : سمفونية بيتهوفن اللي شوهوها وصارت للغازطبعا الواحد بنسطح وهو بنادي عليه : بكون مش سامعنا من الموسيقى فا بضطر ترمي عليه شحاطة او كندرة بعيد عنكو من الشباك وهو طالع بجيبها:هع هع هع :

رابع صوت : حليب حلييييييييييييييييب : طبعا بيجي بياع لحليب ومعه غنمات بتجول بالاحياء الشعبية وبنادي حليب بتحسه بعيط وهو بنادي انه حليب والله حليب: مشان الله اشترو حليب

خامس صوت : برمضان : قوووم يا نااايم وحد الداااااااااايم : وحدوووووه : طبعا هادا العمو بيجي الساعة 12 او 1 الفجر: اساسا الناس لسه ما بتكون نايمة حتى تصحى تتسحر

!!!!!!

سادس صوت : بياعين الخضرة يالله يا بندور يالله يا خيار: حلو وعلى السكين يا بطييييييييييييخ : خمسة وتسعين كيلو ملوخية بليراااااااااااااااا

سابع صوت :يالله يا ابراهيم يا ابراهيييييييييييييم لا اطمنو ما ببيعو بني آدمين بس هاد ابن جيراننا بنادي على اخوه بستعجله بالحمص والفلافل:هع هع هع :

طبعا انسو اصوات الطوش وخمعات الباب وصراخ البوبو المولود جديد وطوشة انس وداوود على الفطبول ومين رماه عند الجيران ومين راح يجيبه

وكمان صوت البسس بتلاخم على هالصبح : ونازلة طوش وزعرنة على الحاويات آآآآآآخ : متل ما قال مارسيل أحن الى خبز امي....انا احن الى كل هاي الاصوات : لانه الصوت الوحيد اللي بسمعه حاليا هو صوت السيارات بالشارع : حتى البسس مالها صوت : مؤدبة : ماشية الحيط الحيط وبتقول يا رب الاقي حاوية مكبوب فيها وجبة مكدونالدز

ان حدا كان يسمع اصوات اخرى بأي مكان ينورنا فيها:هابي

: ملاحظة اخرى مالهاش دخل بالمذكور اعلاه

بس بالله عليكو بس تقرأو اي جريدة فيها اي موضوع عن الضياع او التدخين او الطلاق او مشاكل الاسرة او ... او.... اي مشكلة كانت ان شالله بواسير بكون السبب حسب استاذ علم الاجتماع انها بتعود للفراغ اللي يعاني منه الفرد:ملخووووووووووووووم:

فش غير هالسبب ابدا وفش غير استاذ علم الاجتماع اله يد بالموضوع

ملاحظة اخرى سريعة بجريدة الرأي تبعت امبارح : كان بصفحة الفنون هالخبر

وحدة : نسيت شو اسمها فلانة الزيباري : حتى اسمها بتحسوه غلط قالت وانا بحطش بذمتي

(فضائي الشعري يعكس مباهج الذات وتشظياتها)

ولا تنسو بالبنط العريض كمان

ملخوم بشدة

بث خلاث

ودمتم سالمين

كوكتيل

حرر بترايخ 9/6/2007

اما تقرير اليوم يا طويلين العمر

هو كوكتيل يعني مشكل من هووونا وهوووناااااك

اقرأو ونو كومنت بالله الا للآخر

أخنوخ تذكرة التوراة هو ابن يارد بن مهليئل بن قينان بن انوش بن شيت، وهو النسل السابع من آدم، وإن اخنوخ عاش 65 سنة ثم ولد له متوشالح او متوسالم ، وسار في درب الله 300 سنة بعد ما ولد متوشالح فكانت أيامه 365 سنة ، ولم يظهر فيما بعد لأن الله أخذه

لا جد جد بالله عليكو ترجعو تركزولي عللي لونه زهري

حاب يعرف شو يعني السواليف الطرمة هاي يفتح كتاب التوجيهي الثقافة العامة ويستمتع انا اول ما قرأتها حششت ضحك

طب والله في اختراع اسمه : توفاه الله .. انتقل الى رحمة الله ... مش ان الله اخذه

الله ريتها آخوذة توخذ اللي طبعها وصرح بتداولها بين الطلاب

جد جد الله يعينهم

منيح اللي نفدنا منه

بما انه هالتقرير كوكتيل فا زي ما تقولو اللي فوق كان "كان كان" كيوي على نعنع.. واللي جاي هلا

تفاح

تفاح

تفاح

في موضوع تاني: لاحظو بالله كل الفنانين والفنانات بس يكونو مثلا على مسرح او مستضافين ببرنامج فيه جمهور : مثلا انحراف اكاديمي الله يسهل عليه خصوصا عاصي الحلاني: والله صرت احزن عليه بعد اغنية عمرك شفت باب عم يبكي:اخ يا راسي:

ما علينا

هادا عاصي بيجي وبولع المسرح تقول الحفلة لايف وانها اله: مش انه ضيف وجاي ساعة ومروح

شغلة تانية كل واحد بعد ما يسلم على المذيعة شو بقول"بشكر وبحيي كل الجمهور اللي موجود معنا الليلة"وبتطلع هيك عليهم هيك نظرة اغراء مع تشبيرة بأيده انه يعني يالله زقفولي:معصب:

والمصيبة الجمهور ما بصدق يسمع كلمة "جمهور" بنزل صراخ وتنطيط وتزقيف

معناتو انا بشكر كل الي بقرأو التقرير هلا..يالله زقفولي

خخخخخخخخخخخخخخخخخخخخ

هلا كوكتيل الفراولة

بسباقات الرالي والفورميلا ون : بكون في السواق وفي اشي اسمه الملّاح : اللي هو العمو اللي بكون قاعد جنب السواق

نفسي اعرف شو وظيفته: بيجي وبتصفط جنبه: وبكز عا اسنانه زيه

ممكن يكون بدله وبوجه السواق على الطريق ؟ طب مهو برالي والطريق قدامه مبين

يعني لو صار حادث فيهم لا سمح الله : بحسه كبة بلى: يعني بدهم ينقذو مين والا مين

لشو فايدته : قولولي:سين سؤال:

بالنسبة لكوكتيل الشمام

طبعا كل واحد بس يحكي مع اي شركة تلفونات ان كانت خلوي او كانت ارضي: بطلعلك" سيتم تسجيل المكالمة لغايات ضبط الجودة" طبعا برد عليك واحد بكل زووووووء واحترام : معك اياد الو تفدل كيف بئدر ساعدك وبالآخر شكرا لاتصالك ونهارك سعيد

طبعا لو انه مش مسجلة المكالمة كان رد : نعم... خير يا طير... وك قززتو سمانا الله يلعن ابو اللي اعطاك خلوي .. الله يقطع هيك وظيفة عا هيك راتب عا هيك عالم تيوس

وفي كوكتيل الشمندر

لو تشوفو المنافسة بين شركات الخلوي

يوم بتنزل امنية اعلان بنص جريدة الرأي عن عرض بكسر الدنيا الخ الخ الخ

تاني يوم بتلاقي فاست لينك منزله عرض: قال ايش يعني جكر وبترخص ابو قرش والا تعريفة من قيمة المكالمة طبعا عمرها ما عملتها : الله يقطعها ويقطع عروضها

واللي بعده بتلاقي موبايلكم فتحت باب المكالمات المجانية

طبعا فخار يكسر بعضه: احنا الي رايحين فيها

قال نحن في خدمة المستهلك

الله يقطع هيك مستهلك شلحتوه مصاريه تشليح

وفي نهاية كاسة الكوكتيل

موضوع عن الصورلاحظو بالله الصور اللي بتنزل بالجريدةاعلان التوجيهي والتهنئة بالنجاح او التخرج من الجامعة : الصورة بتكون شب مسبل شعراته وحالق سكسوكة ومحدد سوالفه مع ابتسامة مصطنعة وقبة القميص وقرافة يعني تقول عريس

وصورة البنت : حلوة وقمورة تقول صورة عروس.. وفل ميكب

بالنسبة لصور اللي نازلين على الانتخابات : في الفترة الاخيرة كتروا مشان انتخابات البلدية

طبعا مع احترامي للي منزلين صورهم

قل اعوذ برب الفلق: صورة كل واحد مكشر وبوزه مترين تقول ونتيد يعني تقول مطلوب بجنحة

والا اللي خرج ولم يعد : اغلبهم سرلانكيات وفلبينيات وعلى شاكلتهم التعرف على جثة فلان او وجد بالشارع فلان : بتكون صورة واحد مشرد وبتطلع وهو مزبهل على الصورة

والا صورة فلان بالقسم الرياضي: طبعا الصورة بجوز اللاعب نفسه مزعها من قرن لانه شكله فيها بعده بلا شنبات من قدمها يعني الارشيف اللي بجريدة الرأي جد عفا عليه الزمن.. انا لو رحت هناك يمكن الاقي صورة لجد جدي او صورة الي وانا بعدني ببطن امي

خلص الكوكتيل

يالله عا مين الحساب

خخخخخخ

بث خلاث

ودمتم سالمين

__________________

مقارنات

حرر بتاريخ 17/6/2007

هادا التقرير الخامس والعشرين ..احتفال باليوبيل الفضي للتقارير

هالتقرير عبارة عن شوية مقارنات بين ايام زمان والآن

على مستوى العلاقة بين الرجل والمرأة

في الزمااااااااااااااااااااااان الاغبر

بفوت الزلمة على الدار وبقول شو عاملتيلنا عشا يا حرمة او يا مرة

الزوجة .. وك تقبر عضامي .. اجيت يا عمري: ما حسيت عليك وك حلت البركة : طابخالك كبة ومنسف

الزلمة : يالله قومي بلا غلبة وحطي الاكل

الحرمة : وك مو تكرم عينك .. وك من عيني هاي قبل هاي

الزلمة: شو وين الاولاد

الحرمة : من المطبخ بتقول نامو بكير اليوم ومشان هيك زبطتلك الحمام مع شوية عطورات وصابونات من عند امك

الزلمة بعد ما يشوف الاكل : بقول بعقله: حلو احلوت القعدة: وبنزل بيديه واجريه للكواع بالشراب .. وهو بمتق وبقول للحرمة : عجيب زاكي المنسف اليوم: اكيد اخدتي الوصفة من امي

الحرمة: ترفع ايديها لسما وتدعي وتقول: الله يا رب لا يحرمني منك ومن حماتي يا حق شو عجبك الاكل

الزلمة: الحمد لله: وبقوم بده يغسل ايديه

فالحرمة بتسبقه بتنط نط ومعها البشكير وابريق الوضو فيه مي سخنة

وهي بتقول: الله ريته صحة على قلبك : وك تقبرني وتمشي عا قبري بعد ما يطلع النعنع فوقه

خلص بكرا رح اطبخلك كوارع وكرشات

الزلمة: لا لا ما بدي: بتعبك معي انا

الحرمة: شو تتعبني ما تتعبني: هادا واجبي حبيب البي ليش اكمن ابو (....) عندي بالدنيا

وتنتهي القصة بعد التغسيل ونوم الاطفال المسبق

والباقي تشفر مع المونتاج

(عيب)

الزمان الحالي

الزلمة : مرحبا يا حلوة شو بدك تعشينا اليوم

الزوجة (لو سمعته بقولها يا حرمة غير تشل بخته ) بتتطلع عليه هيك بطرف عينيها وبتكمل قراءة الجريدة .. شووووووو متى اجيت: بشوفك مبكر اليوم على غير عادتك شو بدي اكون طابخة يعني: مجدرة برغل وعدس: شو يعني بدي اطبخلك كل يوم يعني: لسه امبارح متدولق صينية جاج وبطاطا

الزلمة: يالله حبيبتي والله تعبان: قومي حطيلي الاكل نوكل

الزوجة:هيو الاكل عندك بالمطبخ: وين بده يروح يعني اجيبلك الاكل لحد عندك

الزوج: شو وين الاولاد .. نامو على حد علمك

الزوجة: نومة اللي تهسهم ان شالله.. شو بده ينيمهم هسه: والله القرود ما بتنيمهم وبكرا عطلة طلق اللي يهمدهم

الزوج: وهو بالمطبخ .. بينه وبين حاله : والاااااااااااااي شو هالمجدرة بس بتوكل عا الله وبغمض عينيه وبياكل كأنه بوكل شوك وحجارفالزوجة بتساله : شو قاعد بتبربر. ليكون مش عاجبك

الزوج باحباط: لا عاجبني عاجبني تسلم ايديك خلص اعمليها كل يوم

الزوج : شو.. الحمام جاهز

الزوجة :بترمي الجريدة بنص خلقته ..العمى على هالقصة ..طبختي يا مرة ؟؟؟ نامو الاولاد يا مرة ؟؟؟ جاهز الحمام يا مرة؟؟؟اي شو انا ما عندي شغلة غيرك

حل عني يا

وتنتهي القصة بعد التغسيل وعدم نوم الاطفال المسبق

والباقي تشفر مع المونتاج

(عنف منزلي)

بث خلاث

ودمتم سالمين

عريس النضوة

حرر بتاريخ 7/7/2007

اما تقرير اليوم فهمو عبارة عن سولافة طرمة من وحي الخيال نهايتها التعيسة اني صحيت على حالي وانا بالعناية الحثيثة بالمستفى والتفاصيل كالتالي

هادا بعد وفاة المصور (للي ما بعرفه يراجع تقاريري السابقة) قررت اعتزل حياة العزوبية وادور على عريس... قلبت الآية .. يعني البنت صارت تدور وتطلب عرسان مش العكس

ما علينا ما علينا

فا قعدت مع امي وابوي وقلتلهم .. والله يابا حابب اكمل نص ديني.. اوكي كملتو مع المصور بس ضل النص التاني وحان وقته

زي ما تقولوا الاهل كانت فرحتهم كبيرة كونه انا قررت اطلع من حالة الكآبة والصدمة اللي عشتها بعد وفاة المصور العزيز حرقا من الثلج وما زال تمثاله يشار له بالبنان عند مدخل بلدية الباعج

فا قررت اتبع الطرق التقليدية بالزواج. انه اخلي الاهل يجيبولوا كمشة صور شباب وانا اختار بناء على شكله و.. و .... و.... الخ الخ الخ

والله وما كزبوا خبر.. انطلق الاهل وجابولي اكمن صورة.. طبعا كل اشكالهم عجبة.. اشي منخاره كبيراشي احول اشي الوق اشي افكح اشي اعمى اشي ريحته فايحة حتى من الصورة

فا قررت ابحث انا وحدي جبت كومة مجلات من بيبول ومجلات عارضين ازياء وجرايد ووفيات وما خليت وتربعت وبلشت اتفرج

وافرز قائمة الحلوين

قائمة الهاي كلاس

قائمة المش ولا بد

قائمة الخيا الاخير

وفي صورة وحدة ضلت بالآخر ما لقيت الها كاتيغوري احطها فيها الا وهي صورة جورج كلوني

:سمايل مسحول عينيه وبشروط ريالة:

اااااااببببببااااااا يـــــــــــــيييييييه هالمخلوق شو سحنته حلوة وك يقبشني انا اللحية الديرتي

وك يقبشني الغماز باللحية... وك يقبشني النظرة المسحولة والبدلة الجورجيو ارماني ان اوك امووووت شنق

انا المهم قرقرت انه هادا هو اللي بدي اتجوزه .. ومزعت الصورة من الجريدة وطيران عند اهلي

جوزوني اياه جوزوني اياه وك يا بنت الحلال هاد نصراني

مش مشكلتي

وك يا بنت الحلال هاد ممثل مشهور وشو بده يتطلع بسحنتك

مش مشكلتي

وك يا بنت الحلال الزلمة مدوب ملايين البنات وبده يختارك انتي

مش مشكلتي جوزوني اياه جوزوني اياه والا بنتحر

فا زي ما تقولو اهلي وافقو يروحو يطلبولي اياهكان جورج كلوني في زيارة خاصة لمصر للأهرامات بده يصور فيلم اوشن فورتيين هناك قلت اجت فرصتك يا بنت

وما كزبنا خبر انا واهلي ونزلنا على مصر واعطيت صورته الهم حتى يعرفوه ويجيبوه على ملا وجهه للاوتيل اللي نزلنا فيه طبعا راحو اهلي للاهرامات .. غابت يومين سياحة وتسوق وبعدين تذكروني راحو وين مكان ميمعة التصوير وصارو يسالو الناس عن اللي بالصورة وين بلاقوه

دلوهم فا راحو عنده واقنعوه بالتي هي احسن انه يا يتجوزني يا حيطخوه كل هالكي وانا قاعد بستنى بالاوتيل

ومرت الساعات كأنها سنين

فتحو الباب ودخل اهلي ووراهم النضوة اللي بس شفته اغمى علي وودوني المستشفى على اثره

طلعوا جارين وراهم اسماعيل ياسين

اتاري الصورة اللي مزعتها من الجريدة على وجها الاول صورة جورج كلوني والوجه التاني النضوة المذكور اعلاه وسلامتكم

مسرحية

حرر بتاريخ 11/8/2007

اما تقرير اليوم فهو عبارة عن أحداث من وحي الخيال وشوية خرابيط من هون وهناك ولا تمت للواقع بصلة

ترى التقرير طويل: فا اللي بده يقراه : يوخد نظرة خاطفة قبل ليقرا ويفضي حاله

هادا بيوم من الايام اجتني دعوة لحضور مسرحية عنوانها صراخ الخناشير وكوني مش من محبي الفن التاسع قرقرت ما اروح

ووزعت البطاقات على قرايبي: طبعا ما حدا بده يروح من العنوان الحلو للمسرحية

فا اضطريت اشد الاحزمة واروح كونه بطلعلي غدوة ببوفيه مفتوح ببلاش وتصوير مع الوزير اللي رح يرعى الافتتاح وتصوير وجرايد و الخ الخ الخ

ليس

المهم تاني يوم توجهت لمكان الحفل حسب اوامر عقلي الباطني ولبست طقم العيد اللي ما فاتش فيي الا بعد اكمن حركة بهلوانية وصلت المسرح وفوجئت بنظافته وريحته الحلوة : وقفني ضابط بإشارة من ايده : وين يا معلمة ممنوع

قلت انا من المدعوين

سخسخ ضحك واتطلع على سياراتي العواية

وقال: آآآه واظح.. فرجيني بطاقة الدعوة:أبو قنوة:

انطيته اياهاوفتت بعد ما أفرج جيش الجنود المدججين بسلاح بكفي لتحرير فلسطين والكنغو الطريق للعواية وقفت السيارة ونزلت مشي زي المتكهرب. بفعل ضيق البنطلون:خزاوة:

قعدت مكاني شو هاد اوخ اوخ اوخ فخامة وكراسي ورتابة ورزانة وهييلا يا رمانة:رقص:

نساوين لابسات جواعد عا اكتافهم .. وزلام حاملين كوع مي تلات انش بدخنو فيه سيجار اللي فكرته بالأول كتكت

وفي لفيف من الوزراء والصحافة .. لفيف (وسايباني احسس واعتزر احسس واعتز... :محشش: ) ليس

طلعت قاعد جنب مخرج المسرحية نفسها وانا مش داري.. بس كيف اكتشفت لانه بكز عا اسنانه وشعره منفوش ولابس زنوبة وبنطلون خيش:شاي:

قرأت كتيب المسرحية : عبارة عن 3 فصول

عتمت الدنيا وطفو الضو : بلشت اموّي لا اراديا

: ما علينا

الفصل الأول

زاحت البرداية .. الديكور عبارة عن كرسيين خشبيين مهكعات وبيناتهم شجرة مخشبة .. دخلت عجوز شبه العواية اللي صفيتها برا .. وماسكة عكاز.. مدقوق عليه : باطل يا زمن. . اتصفطت الحجة عا كرسي من هالكراسي وبنجت يعني صفنت بالشجرة دون ما تعمل اشي..مرت دقيقة .. دقيقتين.. تلات... خمسة وهي ولا بتتحرك ..فكرتها ماتت ولا اشي : مرت ربع ساعة ولا جديد .. فقدت الاحساس بالزمن..توفيت..بعد نص ساعة : طبعا غفيت وصحيت وهي بعهدها صافتة بالشجرة : اتسكرت البرداية وضوا الضو اللي عما ضوي.

وبلشت الناس تزقف. :ملخووووم:وخدلك تصفير وتزقيف وانا صافن... بطلع حولي .. لقيت نسوانة ام جاعد بتسهمد فيه سحل عن كتفها قد ما هي منفعلة

الفصل الثاني

فتحت البرداية .. هالمرة الشجرة نقولها من بين الكرسيين وحطوها بالزاوية.. وفجأة فاتت نفس العجوز المسخمطة وقعدت نفس القعدة والعكاز هالمرة على جنبها.. وبنجت بالشجرة:ملخووووم:

الوقت بمر وانا من من جوا بقول الله يلعن طرطق على @#$#@%$@% على اللي جابو $%@$%

بدي اروّح بدي أروحححححح

مرت نص ساعة بسلام طفى الضو رد ضوى وبلشو المعاقين يزقفوعشو نفسي افهم:ملخووووم:

مال علي المخرج بقلي. هااااه شو رأيك لغاية الآن

قلتله: بصراحة الفكرة عميقة والمسرح التكعيبي اله ناسه

حكيت هسه اول ما يطفي الضو بدي افكح على المكسيك:معصب:

الفصل الثالث

نفس المشهد بس الشجرة مختفية .. حكيت ان بتفوت العجوز تبحلق بالشجرة الا امسكها من شبه زمارة رقبتها وابوك يا الهواة:معصب اكتر:

انطفى الضو فجأة وفجأة طلع صوت صرخة بقوة 9 عا مقياس ريختر.. صرخة خففت عقل عقلي:ملخووووم:

فزيت من مكاني بدي افكح.. فكرت حدا اغتالوه والا اشي.. قمت ركضت بالعتمة لكن خبط راسي بالشجرة اللي منين طلعت بعرفش .. وقعت على المسرح وانمزع البنطلون بطلت توفي معه .. حاولت اقوم .. عبث.. فجأة ضوى الضو وانفجرت القاعة بالتزقيف العنيف وبرافوووووو برافووووو وبلالين وفتافيت ورق نط علي المخرج وانا واقف مذهول: ويني بنطلوني والا ويني العالم اللي ببتفرج ..قام المخرج مسك ايدي ورفعها فوق:

تقول متغلبة عا ستيف اوستن:سمايل أزعر:

وفجأة سكرت البرداي وانا مش قادر اتنفس من الخزاوة

قال انا انقذت العرض: والناس مفكر هالموقف جزء من المسرحية قال هيك نهاية المسرحية أحلى كسرت الجمود اللي فيها:ملخووووم:

حاولت افكح: مسكني من بقايا البنطلون الشهيد قال اسكتي : تعي جاي: وين عباب الله : دخلت المجد من اوسع ابوابه.. ناولني بنطلون جديد من عند الحجة واخدني على قاعة:حنون:

والناس صارت أمم أمم وانا عيييييط الكل صار بده اوقعله اوتوغرافات .. طلبو اسمي : قلتلهم نمرودة المقرودة

قال اسم فني جميل: ينم عن ذوق رفيع:ملخووووم:

صارت حفلة لتوزيع جوائز كونه الحفل مبثوث لايف امام 88 دولة

والوزير طلع حامل كرشه قدامه وبلشت المذيعة : كانت رزان مغربي: هالبني آدمة كل عرس الها قرص و82375829365

رمشة بالثانية:معصب:

جائزة افضل عمل مسرحية (صراخ الخناشير) تصفيق حاد ودموع من المخرج

جائزة افضل ديكور مسرحية ( غازات لزجه ) تصفيق حاد

جائزة احسن مخرج( زكى شعبان) عن مسرحية ( صراخ الخناشير) وبلش الزلمة يعيط ولولا العيب كان عبطني:سنحه:

جائزة افضل ممثله ثانوية ( فشواكى ماشواسى) عن مسرحية ( ملحمة الصراصير) تصفيق حاد

جائزة افضل ممثلة رئيسية نمرودة المقرودة) عن مسرحية (صراخ الخناشير:ملخوووووووووم:

والااااااااااااااااااااااي المسخرة طلعت على المسرح واستلمت جائزة الشبشب الذهبي

بعد شهر واحدالجرايد نزلت فيي تقارير بأني رفعت اسم الوطن عاليا وبلشو المحللون وعلماء الاجتماع يحللو دوري وينتقدوه أدائى الإبداعى لهذا الدور التاريخى وعن الزوايا المختفية فى البؤر اللاحلقيه للشخصية والتى تعبر عن الانطلاق الواعى تجاه المغيبات المضمحلة:ملخووووم:

بعد ثلاثة شهور تركت مهنتي كبياعة حبوب عا خط الجنوب وصرت سوبر ستار لامع وضيف على الفضائيات وخصوصا برنامج خليك بالحمام:ولا اشي:

بعد ستة شهور عينوني وكيلة لوزارة الثقافة

بعد تسعة شهورخلفت

لا لاعينوني وزيرة للثقافة بدل هداك ابو كرش وتعهدت بنشر الوعى الثقافى الحداثى الطليعى التنويرى

ملاحظة : الاشي المفيد اللي حصلت عليه غير الشبشب الذهبي اللي طلع فالصو وابو علي للخردوات ما شراهه و طلعلي جاعد على الاكتاف وهيني قاعد بستنى اتعين موديرتر

فعلاما أجمل أن تكون تافها وفارغا من أي معنى في زمن الجهل المطبق

صاير اعطي حكم كمان سنحي

بقص ايدي ان حد قراه كامل
بث خلاث

:ابو سن مكسور:

ودمتم لابسين جواعد

:بلا سمايل: